web counter
LEXO PA REKLAMA!

SHKARKO APP

App Store
Google Play

Bylykbashi dhe Vasili ngulin këmbë/ “Ndryshimet kushtetuese prekin koalicionet”

23 Korrik 2020, 17:05, Politikë CNA

Përfaqësuesit e opozitës së Lulzim Bashës në tryezën e Këshillit Politik kanë ngulur këmbë dhe nuk kanë pranuar të bien në një konsensus për ndryshimet kushtetuese.

Bylykbashi pretendon se çdo veprim i njëanshëm minon dhe nxjerr nga shinat marrëveshjen e 5 qershorit

?Bylykbashi: Një paketë sot u dakordësua dhe është e detyrishme për t?u miratuar pa ndryshime. Kjo nuk e përmbyll 5 qershorin se ka edhe depolitizimin e administratën, por është rënë dakord për zgjedhjet e ardhshme. Partitë politike do të kenë rolin e tyre në monitorimin e procesit. Ajo që ne bëmë të qartë është se çdo veprim i njëanshëm minon dhe nxjerr nga shinat 5 qershorin dhe produktin e saj, dhe nuk është produkt i KP është e papranushme?, u shpreh ai në një prononcim për mediat, ndërsa të njëjtën gjë theksoi edhe kolegu i tij opozitar, i cili kërkoi më tepër kohë.

?Çdo pretendim për mungesë vullneti nga opozita është i kundërt. Duam datë, kohë dhe verdiktin se ku do të shkojnë. 5 qershori ndan zgjedhjet normale nga ato të manipuluara. Ky vullnet është bindja e një opozite serioze?, theksoi ai.

Teksa u pyetën për deklaratën e Ramës se ndryshimet kushtetuese nuk prekin koalicionet zgjehdore, Bylykbashi dhe Vasili e mohuan këtë gjë, pasi pretendojnë të kundërtën.

?Pretendimet e Ramës janë të qarta. Duan t?i heqin mundësinë shqiptarëve që të garojnë një ofertë publike sepse do pazare me dyer të mbyllura. Data e caktuar nga kryeministri bie ndesh me deklaratat e ndërkombëtarëve. Duhet marrë koha dhe thellësia e diskutimit për të vendosur?, nënvizoi Bylykbashi./ CNA.al





Lajmet e fundit nga