web counter
LEXO PA REKLAMA!

SHKARKO APP

App Store
Google Play

E fundit!

x

“Miratimi i marrëveshjes përmbush një nga kushtet”/ Soreca: Kemi dijeni për propozimet shtesë

23 Korrik 2020, 15:21, Politikë CNA

Miratimi i marrëveshjes së 5 qershorit, e dakordësuar me ?bekimin? e ndërkombëtarëve është mirëpritur sot edhe nga ambasadori i Bashkimit Europian në Shqipëri, Luigi Soreca.

Ambasadori i BE-së deklaron se miratimi i marrëveshjes përmbush një nga kushtet kryesore për të filluar negociatat e pranimit në BE.

Soreca tregon se BE ka dijeni për propozimet shtesë për reformën e sistemit zgjedhor dhe nxit palët të ulen në tryezën e Këshillit Politik për diskutim.

?Bashkimi Evropian mirëpret miratimin e ndryshimeve në Kodin Zgjedhor nga Kuvendi i Shqipërisë, në përputhje me marrëveshjen politike të arritur në 5 qershor. Kjo përmbush një nga kushtet kryesore për të filluar negociatat e pranimit në BE siç thuhet në konkluzionet e Këshillit më 25.3.2020. Dispozitat e reja legjislative do t?i japin Shqipërisë një kuadër zgjedhor me integritet dhe standarde transparence më të larta, bazuar në rekomandimet e OSBE/ODIHR-it.

Ne jemi në dijeni të propozimeve shtesë për reformën e sistemit zgjedhor. Ndërkohë që njohim rolin e Parlamentit në paraqitjen e ndryshimeve shtesë në lidhje me sistemin zgjedhor, ne nxisim të gjitha palët të vazhdojnë diskutimet në Këshillin Politik me të njëjtën frymë gjithëpërfshirëse dhe bashkëpunuese, të treguar gjatë miratimit të marrëveshjes politike të 5 qershorit. Procesi që çon në ndryshimet shtesë nuk duhet të dëmtojë frymën dhe rezultatet e marrëveshjes së 5 qershorit?, shkruan Soreca në rrjetet sociale./ CNA.al





Lajmet e fundit nga