web counter
LEXO PA REKLAMA!

SHKARKO APP

App Store
Google Play

“Deputetët nuk kanë fjalë të lirë”/ Hajdari thirrje të forta PD-së: Askush nuk e ndal dot ndryshimin

23 Korrik 2020, 16:46, Politikë CNA

Deputetja Rudina Hajdari dha një prononcim për mediat pas përfundimit të mbledhjes së Këshillit Politik, ku bëri thirrje të forta për Partinë Demokratike.

Hajdari i kërkoi sërish PD-së të mbështesë ndryshimet kushtetuese dhe konkretisht listat e hapura.

Ajo theksoi se listat e hapura do i fuqizojnë shqiptarët, ndërsa sipas saj askush nuk e ndal dot këtë ndryshim.

Deputetja shigjetoi kolegët, për të cilët tha se sot nuk e kanë fjalën e lirë dhe nuk kanë as mendime dhe ambicie për të sjellë ndryshim.

?Çdo ditë qytetarët më ndalojnë në rrugë dhe më thonë ec para. Edhe demokratët më janë shprehur të zhgënjyer. Edhe sot i kërkova PD që të mbështesë ndryshimet Kushtetuese. Çdo demokrat do që në Parlament të vijnë njerëz që do të përfaqësojnë popullin dhe jo kreun e partisë. Çdo njeri që është i zhgënjyer nga kjo mënyrë të bashkohen dhe të mbështesin listat e hapura. Duhet patjetër që në zgjedhjet e ardhshme të miratohen listat e hapura.

Ku janë ata demokratë që flisnin për shfuqizimet e ligjeve. Deputetët sot nuk e kanë fjalën e lirë, nuk kanë vizion dhe argumenta. Listat e hapura do ta fuqizojnë qytetarin shqiptar. Nuk ka njeri që ta ndalë këtë fortunë ndryshimi. Edhe njëherë unë nuk përtova sot, është e rëndësishme që të kemi konsensus për lista të hapura. Dua t?i shtrij dorën popullit opozitar se janë të braktisur. Listat e hapura për mua do jetë realiteti i ardhshëm. Është koha për ta përqafuar këtë ndryshim?, theksoi Hajdari./ CNA.al





Lajmet e fundit nga