Ben Blushi padit Berishën por duhet të hetohet vetë nga SPAK

22 Korrik 2020, 19:25, Politikë CNA

Ben Blushi, nëpërmjet portalit të Vjollca Hoxhës ka njoftuar padinë, e cila do të çohet ditët në vijim në gjykatë, ndaj ish-kryeministrit Sali Berisha, ku në disa rreshta shkruan se ai është tërhequr nga Politika prej 3 vitesh, ndërsa Sali Berisha ka vazhduar akuzat e forta ndaj tij.

Në fakt, duhet të ishte Ben Blushi që duhet të hetohej sot nga SPAK për të gjitha skandalet, bëmat dhe gjëmat e tij, sepse edhe pse është tërhequr nga politika, siç ai pretendon, pasuritë e tij janë shtuar dhe ka dyshime mjaft të forta dhe akuza të hedhura publikisht, se ka marrë prona në Dhërmi, ka krijuar ortakëri me pronarë të inceneratorëve, në emër të bashkëshortes së tij në Bullgari. Gjithashtu nga ana tjetër, u publikua me fakt një pronë rreth 2000 m², dhe nga ana tjetër një pasuri e tij, vënë gjatë kohës që ishte deputet në vitin 2015. Bëhet fjalë për një ambient tregtar, i cili në dokumente figuronte vetëm 25 mijë euro, ndërkohë që vlera e tij është disa qindra milionë lekë.

Në fakt Ben Blushi bën mirë që padit Sali Berishën, sepse dokumentet janë dhe do të bëhen publike, por nga ana tjetër duhet të jetë SPAK që duhet të fillojë të hetojë Ben Blushin për të gjitha skandalet, bëmat dhe gjëmat e tij, sepse nuk ka asnjë ligj në botë që të thotë se kur tërhiqesh nga politika, ke bërë çke bërë, ke marrë çke marrë, mund të vazhdosh të marrësh çfarë të duash dhe askush nuk ka të drejtë të flasë.

Por, Ben Blushi nuk është thjesht dhe vetëm një politikan. Ai është drejtori i një televizioni, që pretendohet se është më i madhi në vend. Me rrogën si drejtor, askush nuk e beson se mund të sigurohen mijëra metër katror në Dhërmi e të bëhën ortakëri për të blerë aksionet e Lori Cafe me gati 2.2 milionë euro, apo pasuri të tjera të dyshimta që kapin vlera të frikshme; pa folur këtu për akuzat e bëra ndaj Ben Blushit dhe letrat që i janë çuar në Ambasadën Amerikane.

Ky është rasti kur Ben Blushi po padit Sali Berishën, por në fakt duhet të jetë vetë drejtori i ?Top Channel?-it që duhet të hetohet nga SPAK dhe ky është rasti kur institucionet të thonë të vërtetën edhe për padinë e Ben Blushit ndaj Sali Berishës, por edhe pasurinë e Ben Blushit ? bizneset, bëmat, gjëmat dhe zullumet e tij, të cilat janë treguar publikisht me dokumente ekskluzive që nga Bullgaria tek Inceneratorët; që te dokumenti i publikuar për pronën në Dhërmi, deklarimi i tij i pasurisë për pronën në qendër të Korçës që figuron me qindarka, por vlen me qindra-mijëra euro, deri te trualli i Dardhës e kështu me radhë.

Prandaj, është koha të shohim drejtësinë e vërtetë, nësë ka shpifur Sali Berisha ndaj Ben Blushit apo ky i fundit do të jetë politikani i parë që do të hetohet nga SPAK dhe do të marrë përgjigjen për të gjitha bëmat dhe gjëmat e tij./CNA.al

Babëzia e Ben Blushit nuk njeh kufi/ Zhvat edhe tre mijë metër katror tokë në Dhërmi

Nga Korça, në Vlorë/ Ben Blushi ?hajdut? tokash, si u pasurua me ardhjen e Rilindjes

Denoncimi ?bombë?/ Miku i Ben Blushit bën kërdinë në Dardhë, zapton pyllin dhe tokën e varrezave

Katër skandale dhe akuza që Ben Blushi si fsheh dot

Publikohet dokumenti/ Ben Blushi grabit pronën në bregdet, me ndihmën e Ramës