web counter
LEXO PA REKLAMA!

SHKARKO APP

App Store
Google Play

Meta nuk i njeh Listat e Hapura/ Do zgjedhë Kryeministrin që do vetë

22 Korrik 2020, 17:40, Politikë CNA

Presidenti i Republikës, Ilir Meta nuk do t?i njohë ndryshimet kushtetuese për sistemin zgjedhor, të cilat janë futur në axhendën e parlamentit për t?u votuar në 30 korrik, dhe duket se kanë gjetur dakordësinë e të gjitha grupeve parlamentare.

Edhe pse ka qenë një fillimjave vendimtare në tryezat e Këshillit Politik për të shkuar te vota unanime për hapjen e listave, kujtojmë se Meta javën e kaluar e ka bërë paralajmërimin e tij, se nëse ndryshimet zbatohen në zgjedhjet e ardhshme, nuk do t?i dekeretojë ato.

 ?Ndryshimet e propozuara, nëse vazhdojnë të shqyrtohen dhe të miratohen, përveç antikushtetutshmërisë së procesit në vetvete, do të krijojnë përplasje të fortë edhe me këtë dispozitë që i njeh kompetencën Presidentit të Republikës që emërimin e Kryeministrit ta pranojë nga partia apo ?koalicioni? që ka marrë shumicën e vendeve pas procesit zgjedhor?, është shprehur Meta.

Për t?i mëshuar me argument juridik këtij paralajmërimi Kreu i Shtetit ka cituar nenin 96 të Kushtetutës, i cili citon se  ?Presidenti i Republikës, në fillim të legjislaturës emëron Kryeministrin?.

Ndërkohë, sot Rama është treguar i qetë kur ka dalë nga mbledhja e radhës e Këshillit Politik kur ka thënë se pas 30 korrikut jeta politike do të rrjedhë e qetë, madje nismën për hapjen e listave e ka publikuar edhe në rrjetet sociale.

Megjithatë, mbetet për t?u parë se cili do të jetë reagimi i radhës i Presidentit, teksa nesër parlamenti do të mblidhet për të votuar marrëveshjen e 5 qershorit. /CNA.al

 





Lajmet e fundit nga