E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Inceneratori i Elbasanit/ Përplasje të forta për kalimin në pronësi të bashkisë

19 Korrik 2020, 07:48, Aktualitet CNA

Inceneratori i Elbasanit, ka filluar të shkaktojë përplasjet e para të forta në marrëdhënien qeveri-koncesionar.

Problematika të shumta të cilat kërkojnë të mbulohen me propagandë dhe sulme nga partneri mediatik i inceneratorëve por që duket qartë se debatet janë të forta dhe nuk mund të zgjidhen lehtësisht. Inceneratori i Elbasanit është në pronësi të shtetases Stela Gugallja, bashkëjetuesja dhe nëna e dy femijëve të Mirel (Klodian) Mërtirit.

Përplasjet

CNA.al ka mësuar nga burime zyrtare pranë Bashkisë Elbasan, se koncesionari kërkon që t’ja kalojë inceneratorin në administrim të bashkisë, dhe vetë të prodhojë energjinë nga mbetjet. Këtu kanë filluar edhe debatet e forta me qeverinë, ku duket qartë që segmente të saj që kërkojnë zbatimin e ligjit, sulmohen nga ortaku mediatik i inceneratorëve i cili është Top Channel dhe Vjollca Hoxha e cila është ortake me pronarët e inceneratorëve, përfshi këtu edhe bashkëshorten e Ben Blushit drejtorit të Top Channel.

Koncesionari kërkon që tashmë inceneratorin që nuk është ndezur, t’ja lejë në derë bashkisë dhe të prodhojë vetë energjinë. Pra pushteti vendor pronar por energjinë ta prodhojë privati. Shpikje alla shqiptarçe pa asnjë sens juridik, ku me mekanizma të ndryshme dhe propagandë dhe sulme mediatike kërkohet që të bëhet ajo që kërkojnë ortakët e Vjollca Hoxhës dhe Ben Blushit.
Një tjetër burim zyrtar i tha CNA.al se prodhimi i energjisë nga inceneratorët është një tjetër pikë e fortë debati, për faktin se ende nuk ka një tarifë për këtë lloj energjie.

Tani palët duken përballë fakteve, inceneratori që nuk është ndezur të kalojë në pronësi të bashkisë Elbasan, por energjinë ta prodhojë koncesionari pa tarifa të miratuara më parë. Ky është varianti kur Klodianët e inceneratorëve duan nga qeveria edhe akullore edhe çokollatë, sepse tani në tavë janë shtuar edhe Vjollca Hoxha edhe Ben Blushi, të dy me kosto të mëdha, që filluan nga 2.2 milionë euro me blerjen e Lori Kafe. Duket që veprimet shkojnë përtej hapësirës që jep ligji duke e çuar qeverinë në një tjetër skandal në lidhje me inceneratorët dhe kostot e tyre./CNA.al

Skema korruptive e koncesionit të inceneratorit të Elbasanit/ Si u gllabëruan miliona euro

Dokumentet ekskluzive-Skandali me tenderin e inceneratorit/ Kompania fituese pa asnjë aktivitet biznesi, shkeljet proceduriale

Skandali/ Qeveria 50 milion euro kompanive pa asnjë lek

Skandali-Nga pronarët e mediave tek kompanitë off shore/ Skema e plotë e koncesionit të inceneratorëve, emrat e përfshirë

Edi Rama, si inceneratori i prishur i Mirel Mërtirit

Inceneratoret marrin 47 mln euro financime nga buxheti, 14 mln shkojnë për Tiranën

Kush është Mirel Mërtiri, njeriu i inceneratorëve, ortaku i Ben Blushit, i dënuar nga gjykatat

Skandali/ Zbulohet skema e plotë, si pronarët e inceneratorëve paguan aksionerët e Top Channel