web counter
LEXO PA REKLAMA!

SHKARKO APP

App Store
Google Play

Tre humbje jetë në 24 orë/ Ministria e Shëndetësisë apel të fortë qytetarëve: Vendosni maskën

17 Korrik 2020, 08:40, Aktualitet CNA

Ministria e Shëndetësisë dhe Mbrojtjes Sociale i ka drejtuar një apel të fortë qytetarëve, të cilëve iu kërkon të tregohen të kujdesshëm, duke respektuar vendimin për maskën e detyrueshme në ambientet e mbyllura, në transportin publik dhe kudo ku nuk ruhet dot distancimi fizik.

Gjithashtu, sipas Ministrisë së Shëndetësisë, në 24 orët e fundit, kanë humbur jetën tre pacientë të prekur nga Covid-19.

Dr. Flutura Beqo, nga Ministria e Shëndetësisë dhe Mbrojtjes Sociale, tha në një komunikim për mediat se ?Ministria e Shëndetësisë dhe Mbrojtjes Sociale ju informon për situatën epidemiologjike të 24 orëve të fundit në vendin tonë, ku vazhdon të jetë i lartë numri i rasteve te reja te prekur nga Covid19 në Tiranë, ndërsa ka dhe raste të reja në bashkitë e tjera të vendit.

Që në fillim të këtij komunikimi, ju rikujtojmë detyrimin për vendosjen e maskës në ambientet e mbyllura për çdo qytetar, me qëllim frenimin e përhapjes së Covid19.

Situata paraqitet serioze në spitalin infektiv, ku në 24 orët e fundit kanë humbur jetën 3 qytetarë, të cilët po trajtoheshin në terapi intensive, të intubuar.

Një 52 vjeçar nga Tirana, një 57 vjeçar nga Kukësi dhe një 59 vjeçar nga Korça, nuk e kanë fituar dot betejën me Covid19, megjithë përpjekjet e stafit mjekësor. Ministria e Shëndetësisë dhe Mbrojtjes Sociale i shpreh ngushëllimet familjarëve.?.





Lajmet e fundit nga