E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

Denoncimi “bombë”/ Miku i Ben Blushit bën kërdinë në Dardhë, zapton pyllin dhe tokën e varrezave

19 Korrik 2020, 16:48, Denoncim CNA

Ish-kryeministri Sali Berisha ka publikuar një mesazh që mbart një denoncim të fortë për biznesmenin Nikoll Pacili.

Duke iu referuar mesazhit të një qytetari dixhital, Berisha thotë se biznesmeni po bën kërdinë në Dardhë duke prerë pemë dhe po ndërton një stallë mbi varezat e fshatit.

Ish-kryeministri pretendon se ai ka ndërtuar edhe një hotel në Dardhë në një tokë që e ka zaptuar.

Sipas tij, Pacili ka lidhje të ngushta me Partinë Socialiste dhe është mik i Ben Blushit.

?Në fshatin Dardhë e grinë pyllin fare, dhe atë pak pyll me pemë të vjetra që ka mbetur po e presin. Një biznesmen me inicialet N.P. që ka lidhje të ngushta me Partinë Socialiste dhe mik i Ben Blushit i cili ka ndërtuar edhe një lokal/hotel në Dardhë ku përveçse ka zaptuar mijëra metra katrorë tokë, babëzia e tij shkon deri aty ku nuk le rehat as të vdekurit të prehen të qetë, në varrezat e fshatit ka ndërtuar stallë për bagëtinë dhe e ka zaptuar vendin. Kjo nuk ndodh në asnjë vend të botës doktor, të ndërtosh stallë bagetie në varreza?, shkruan ai.

Më tej, në mesazh thuhet se policia nuk ndërhyn dhe e lajmëron të largohet nga aty sa herë që dikush e denoncon dhe i shkojnë për kontroll.

?Ky person e griu pyllin e Dardhës, në mënyrën më barbare dhe të paskrupullt, policia nuk e prek, jo vetëm kaq por në disa raste kur telefonon për denoncim Policinë e Shtetit, ata e lajmërojnë dhe i thonë ik se po vijmë dhe kështu shpëton sa herë. E kanë kapur disa herë përpara disa vitesh në flagrancë dhe përsëri ka dalë pa lagur, vazhdon punën i qetë duke shkatërruar atë bukuri të rallë që i ka mbetur Dardhës. Ka 3 kafshë dhe me kafshët i nxjerr drutë deri te rruga e vjetër e ushtrisë, aty i merr me kamionin e tij tip Benz dhe i shkarkon aty ku ka ndërtuar lokalin/hotelin, pastaj natën një pjesë të druve i zbret në Korçë.

Këtë punë e bën pothuajse çdo ditë, ka lidhje të ngushta me Policinë e Shtetit dhe Partinë Socialiste të cilët e mbrojnë. Në fshat kanë frikë të telefonojnë edhe policinë sepse dekonspirohet denoncimi. Me Ben Blushin hanë e pinë bashkë çdo ditë. Që kur ka ardhur ky person N.P. në Dardhë na e shkatërroi pyllin të cilin e kemi mbrojtur me aq fanatizëm?, vijon mesazhi.

Ndërkohë, Berisha ka publikuar edhe pjesën tjetër të mesazhit, kur qytetari dixhital thotë se: ?Z.Berisha kjo është vetëm për ju jo për publikun, emrin e plotë për arsye etike po ja u jap juve ta dini, nuk e futa në denoncimin më lart. Ai quhet Nikollë Pacili i njohur si Kola, ka një hotel pranë varrezave në Korçë, pas ardhjes në pushtet të PS në 2013 ka fituar tendera për mirëmbajtjen e varrezave të dëshmorëve në Korçë.

Është mik i ngushtë me Ben Blushin, madje hotelin që ka ndërtuar me emrin Nova thonë se prapa fshihet Ben Blushi me një mik të tij dhe e kanë vënë në emrin e Nikollë Pacilit. Pra ka biznes në Korçë, hotel dhe në Dardhë, ka ndërtuar një hotel/lokal me emrin Nova Dardha, momentalisht po bën disa punime të reja me mur tulle, tulla në Dardhë nuk lejohet për ndërtim, por Kola bën përjashtim se është pjesë e Rilindjes?./ CNA.al