E fundit!

20:13 Aktualitet

Vendimi i qeverisë/ Shqipëria hap ambasadë në këtë vend të BE-së

Shqipëria do të hapë ambasadën e saj në Irlandë. Vendimi ë...

Thaçi pas kthimit nga Haga/ Historia e Kosovës dhe UÇK-së nuk mund të rishkruhet

18 Korrik 2020, 18:22, Kosova & Bota CNA

Presidenti i Kosovës Hashim Thaçi ka folur pas kthimit të tij nga Haga, ku u mor në pyetje për katër ditë.

Ai thkesoi se askush nuk mund ta ndryshojë historinë e Kosovës ndërsa theksoi se sakrifica për liri nuk mund të zhbëhet.

Gjatë fjalës së tij Thaçi tha se sipas tij ky proces do të vulosë rolin e UÇK, ndërsa shtoi se Kosova duhet të vendoset mbi dallimet partiake.

“Kam respekt të plotë për zbardhjen e procesit të së vërtetës. Për shkaqe etike nuk mund të hyj në detaje konkrete të këtij ballafaqimi, por edhe nuk mund të mos ndaj asgjë me ju. Ju që më keni qendruar afër mund të keni pikëpyetje për pretendimet e Prokurorisë Speciale. Sonte të dashur qytetarë dua të ndaj me ju tri gjëra. E para, historia e luftës çlirimtare të Kosovës nuk mund të rishkruhet nga askush. Ky proces nuk mund të rishkruhet sepse është vulosur me gjakun e djemve që kanë luftuar për lirine e Kosovës.
E dyta, ky proces i radhës është në vazhdën e 22 viteve të shpifjeve mbi Kosovën dhe luftën tonë çlirimtare. Ky proces do të vulosë një herë e mirë rolin tonë si shtetformues. Nuk mund të mos dënohet kjo përbuzje etnike, qysh në barkun e nënës, nuk mund të harrohen sjelljet gjenocidale, spastrimi etnik. Këto do të jetë një prej faqeve më të errëta të së shkuarës, të cilat nuk do të përsëriten më në Kosovë.
E treta, unë që pata fatin dhe nderin të kem rol në rrugën e pavarësisë së Kosovës, ndihem sot edhe më i bindur dhe më i vendosur se përpara këtij ballafaqimi, se çfarë vlere ka sakrifica për të çuar në fund këtë zbardhje të së vërtetës. Të dashurit e mi, sonte dua të përsëris, se për mua Kosova është gjithnjë e para. Kur atëherë isha gati të jap jetën, sot që jam prind kam për detyrë ta mbroj Kosovës, ndaj një procesi që ka përfshirë mua dhe bashkëluftëtarët, në një valë shpifjesh për krime që nuk janë kryer kurrë. Duke iu falenderuar nga zemara për këtë solidaritet, dua t’ju them të gjithëve që ta vendosni Kosovën mbi dallimet politike. E kemi amanet nga paraardhësit tanë. Nga Ibrahim Rugova, Adem Jashari e qindra të tjerë që kanë kontribuar për këtë vend.
Kosova sot ka nevojë më shumë se kurrë për dialog mes forcave politike, për qeverisje të mirë dhe unitet. Veçanërisht në dialogun për njohjen e saj përfundimatre nga Serbia dhe e gjithë bota. Qeveria dhe opozita duhet të bashkëpunojnë. Duhet t’i flasin botës me një zë, Serbia duhet ta njohë Kosovën.
Përulem me respekt për besimin tuaj. U jam mirënjohës për gjithçka. Nuk jam dhe nuk kam qenë perfekt, por kam bërë sa kam mundur. Ju siguroj që do dal i pastër si loti në fund të këtij rrugëtimi” tha Thaçi./CNA.al