web counter
LEXO PA REKLAMA!

SHKARKO APP

App Store
Google Play

Dëshiron të bashkohet me Fenerbahçe, Shaqiri i kërkon nder Liverpulit

18 Korrik 2020, 11:51, Sport CNA

Xherdan Shaqiri kaloi sezonin e dytë te Liverpuli, por qëndrimit të tij në ?Anfield? po i vjen fundi për shkak të minutave të pakta në dispozicion të 28-vjeçarit. Anësori është në kërkim të një klubi, ku të jetë protagonist dhe Fenerbahçe është kandidati kryesor për të fituar shërbimet e gjilanasit. Mediet turke raportojnë se Shaqiri ka gjetur marrëveshjen me klubin nga Stambolli.

Ai ka rënë dakord për kontratë tre vjeçare me një pagë prej tre milionë euro një sezon. Ngërçi i vetëm është vullneti i Liverpulit për të lënë të largohet yllin e kombëtares së Zvicrës. Anglezët kërkojnë të paktën 20 milionë euro për Shaqirin, shifër, të cilën Fenerbahçe nuk është në gjendje ta paguajë.

Për këtë cështje ata kërkojnë ndihmën e Shaqirit. Mësohet se sulmuesi i ka kërkuar Liverpulit ta lërë të largohet si lojtar i lirë. Diçka shumë e vështirë për tu pranuar nga drejtuesit e klubit kampion, duke pasur parasysh se kontrata e Shaqirit përfundon në verën e vitit 2023.





Lajmet e fundit nga