web counter
LEXO PA REKLAMA!

SHKARKO APP

App Store
Google Play

E fundit!

x

Manastirliu nxjerr pamje nga Infektivi/ Thirrje të rinjve: E mirëkuptoj shkujdesjen dhe zellin, por…

14 Korrik 2020, 20:15, Lifestyle CNA

Ministrja e Shëndetësisë Ogerta Manastirliu, ka bërë pak më parë një apel për të rinjtë, duke marrë shkas nga rritja e shifrave të të infektuarve.

Manastirliu ka publikuar një foto nga spitali Infektiv dhe i thotë të rinjve se virusi është mes nesh pavarësisht se shumë persona shprehin mosbesim për ekzistencën e tij.

?E mirëkuptoj shkujdesjen e moshës, zellin për të relativizuar çdo gjë, madje edhe një sëmundje si kjo që shkakton koronavirusi. E mirëkuptoj edhe prirjen tuaj për të mos besuar ekzistencën e diçkaje që nuk shihet me sy. Ka shumë gjëra që nuk i shohim, por kjo nuk do të thotë që nuk ekzistojnë. Dhe një prej tyre është COVID-19, që ka vënë në vështirësi botën mbarë.

Ju lutem, ndaluni një sekondë dhe shihni këtë moment në terapinë intensive në spitalin Infektiv pak minuta më parë dhe mendoni pak për prindërit dhe të afërmit tuaj! A do të donit vërtet të bëheshit bartës të një virusi, dhe shkaktarë të një sëmundjeje, që për ta mund të rezultojë fatale??, shkruan ajo në rrjetet sociale.

Më tej, Manastirliu kërkon që të rinjtë të zbatojnë rregullat bazë, siç janë mbajtja e maskës, distancimi social dhe higjena vetjake.

?Dhe në fund, mendoni pak për të nesërmen. Mendoni për një kohë kur do të mbërrini në moshën e prindërve tuaj dhe do t?u mësoni fëmijëve tuaj përgjegjshmërinë dhe kujdesin ndaj të afërmit. A do ua ilustronit me shembullin që vetë po jepni sot?

Sigurisht, koronavirusi do të vihet përfund, siç ka ndodhur me shumë pandemi që ka parë bota. Por të gjithë bashkë, me përgjegjshmëri qytetare, dhembshuri njerëzore, duke zbatuar rregullat bazë të mbajtjes së maskës, distancimit social dhe higjenës vetjake, ne mund ta fitojmë këtë luftë me sa më pak jetë të humbura. Dhe kjo varet nga sjellja e gjithësecilit prej nesh!?, nënvizon ministrja./ CNA.al





Lajmet e fundit nga