web counter
LEXO PA REKLAMA!

SHKARKO APP

App Store
Google Play

E fundit!

x

Akuzat e opozitës/ ISHP: Kemi rreth 90 mijë teste në dispozicion, mos bëni politikë me Covid-19

14 Korrik 2020, 17:02, Lifestyle CNA

Instituti i Shëndetit Publik ka reaguar pas akuzave të ngritura nga Partia Demokratike dhe opozita joparlamentare për mungesë të testeve.

ISHP deklaron se po vijon të jetë 24 orë në 7 ditë të javës në përgjigje të nevojave nga i gjithë vendi për testimet në kohë të qytetarëve të dyshuar, sipas hetimit epidemiologjik që kryhet në terren nga epidemiologët.

ISHP pretendon se ka rreth 90 mijë teste në dispozicion, ndërsa i bën thirrje opozitës të mos bëjë politikë me Covid-19.

“Aktualisht kemi rreth 90 mijë teste në dispozicion dhe laboratori i ISHP vijon të furnizohet pa ndërprerje. Stafi i ISHP-së po punon 24 orë pa ndërprerje që nga fillimi i epidemisë, për të nxjerrë sa më shpejt në kohë përgjigjet për të gjitha rastet e dyshura si të prekur nga Covid19. I bëjmë thirrje PD dhe çdo force politike, të mos bëjnë politikë me Covid-19 dhe të mos cënojnë punën e një ekipi të tërë të shëndetësisë, që janë në krye te detyrës për përballimin e situatës, por t?I bashkohen përpjekje për të rritur ndërgjegjësimin e qytetarëve për respektimin e rregullave të distancimit fizik, vendosjes së maskës dhe ruajtjes së higjienës”, thuhet ndër të tjera në deklaratë./ CNA.al





Lajmet e fundit nga