web counter
LEXO PA REKLAMA!

SHKARKO APP

App Store
Google Play

E fundit!

x

Korrupsion me pasaportat/ Ministri Cakaj shkarkon stafin e Ambasadës shqiptare në Athinë

8 Korrik 2020, 13:19, Politikë CNA

Ministri i Jashtëm, Gent Cakaj ka shkarkuar nga detyra ambasadoren shqiptare në Athinë, Ardiana Hobdari, si dhe të gjithë stafin.

Shkarkimi i ambasadores dhe punonjësve të tjerë, vjen pas ankesave të shumta që kanë pasur emigrantët në drejtim të saj, ndërsa në mediat greke është shfaqur edhe një video ku një emigrant shqiptar del nga radha e konsullatës në Selanik pasi i soset durimi i pritjes dhe ndalohet nga punonjësit e sigurisë. Pas tij shihen dhjetra emigrantë, të cilët e mbështesin reagimin e tij.

Radhë, pritje dhe pakënaqësi janë shfaqur edhe në Athinë, ndërsa prej kohësh emigrantët shqiptarë nën zë tregojnë korrupsionin dhe rryshfetet që paguajnë për të marrë pasaportat apo ID-të.

Për Ardiana Hobdarin, media greke ?Protothema?, shkruan se ajo është e përfshirë në vjedhjen e 100 pasaportave shqiptare gjatë vitit 2019.

Sipas medias greke, “Hobdari është e përfshirë në ngjarjen e ndodhur më 13 shkurt të 2019, ku nga makina e konsullit të përgjithshëm të Janinës, Pervin Gjikuria, u vodhën 100 pasaporta nga 300 që ndodheshin brenda në mjet”.

Nga ana tjetër mësohet se Cakaj i ka propozuar presidentit Meta, Luela Hajdaragën, si ambasadore në Athinë.

CNA.al mëson se për postin e ambasodres së re, ministri ka propozuar Luela Hajdaragën, e cila ka qenë më herët Koordinatorja e Bashkëqeverisjes në Ministrinë e Europës dhe Punëve të Jashtme. /CNA.al





Lajmet e fundit nga