E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Bashës i “çmontohet” partia/ 30 kryetarë degësh japin dorëheqjen

2 Korrik 2020, 16:18, Politikë CNA

Udhëzimi i fundit dhe forma e gjetur për garën e kandidatëve për deputet, ka bërë që shumica e kryetarëve të degëve lokale të Partisë Demokratike të japin dorëheqjen.

Burime zyrtare nga Republika e Re thanë për CNA.al se gati 30 kryetarë degësh kanë dhënë dorëheqjen menjëherë pas udhëzimit, por një pjesë e tyre nuk janë miratuar nga Lulzim Basha, pasi do të jetë ky i fundit i cili do të vendosë se kush nga ato do dorehiqet dhe kush do vazhdojë të qëndrojë në detyrë.

Pra pak a shumë, Luli do të konfirmojë se cili nga ata do të jetë në listën e deputetëve dhe cili jo.

Vendimi i marrë nga Basha për një garë që janë në bazë për të zgjedhur kandidaturat ka bërë që shumica e kryetarëve të dorëhiqen, çka e ka çuar dhe në kolaps Partinë Demokratike pasi degët lokale do të ngelen pa kryetarë dhe do të drejtohen nga sekretarët e tyre. Por kjo është e pamundur në statutin e Partisë Demokratike çka bën që të ketë zgjedhje të reja në bazë, pra përveç faktit se duhet të zgjidhen kandidatët për deputetë do të duhet të rizgjidhen më shumë degët dhe kryetarët që do drejtojnë këtë forcë politike gjatë fushatës elektorale.

Mesaduket, Lulzim Basha tani ndodhet përpara një halli vërtet të madh, fasadës për gjoja zgjedhje kandidatësh nga baza ku 20% do ta vendoste ai vetë, i janë shtuar kryetarët e degëve që janë të sigurt që do vendosen në lista dhe këtë e tregon ai me veprimin e tij. Pra duke qenë personi që konfirmon ose jo dorëheqjet dhe duke e treguar publikisht se kush nga kryetarët e degëve do të jetë dhe kush jo deputet.

Më pas pritet të zhvillohen zgjedhjet në bazë për listën e kandidatëve për deputet dhe më tej për të zhvilluar një tjetër fushatë në bazë dhe pastaj zgjidhjen e kandidatëve të degëve atje ku do iu pranohet dorëheqja, çka tregon se sërish do të ketë një garë të pabarabartë dhe një standart të ri nga Lulzim Basha i cili është ky i fundit që vendos kush do të dorëhiqet apo kush jo./CNA.al