web counter
LEXO PA REKLAMA!

SHKARKO APP

App Store
Google Play

E fundit!

x

Shtyhet nisja e transportimit të gazit/ TAP: Do përpiqemi të dërgojmë sasitë e para në fund të vitit

2 Korrik 2020, 11:08, Politikë CNA

Gazsjellësi TAP, i konsideruar si investitori më i madh i huaj në Shqipëri, do të shtyjë me një vit nisjen e transportimit të gazit në Europë dhe shkak për këtë është bërë pezullimi i punës nga pandemia e Covid-19.

Pas këtij lajmi, ka ardhur edhe reagimi zyrtar i gazsjellësit TAP, i cili thotë se projekti ka përfunduar në masën 96% dhe rikonfirmon objektivin e transportimit të sasive të para të gazit brenda vitit 2020.

TAP thekson se në qershor të këtij viti i dorëzoi aplikimin për zgjatje të afatit të vendimit të përjashtimit, duke kërkuar kohë shtesë për fillimin e transportimit të sasive të para të gazit në Evropë.

?Që prej vitit 2013, TAP-i është përjashtuar nga disa dispozita të Direktivës së BE-së për gazin, duke përfshirë edhe dispozitat për aksesin e palëve të treta (TPA). Kjo do të thotë se TAP-i mund të ofrojë rreth 50% të kapacitetit të tij të përgjithshëm për eksportin e volumeve të gazit nga Azerbajxhani drejt Evropës, për një periudhë kohore 25-vjeçare. Krahas kësaj, Komisioni ka miratuar edhe përjashtimet nga tarifat e rregulluara si për kapacitetin fillestar, ashtu edhe për kapacitetin e zgjeruar të TAP-it, si dhe përjashtimin nga zhveshja e të drejtave të pronësisë për 25 vjet.

Projekti TAP ka përfunduar në masën 96% dhe rikonfirmon objektivin e transportimit të sasive të para të gazit brenda vitit 2020. Megjithatë, projekti është përballur me disa ndikime madhore, përtej kontrollit të tij, kryesisht për shkak të pengesave rregullatore/lejuese, shkeljeve të rënda të sigurisë dhe sigurimit, pezullimit të aktiviteteve ndërtimore për shkak të proceseve të shumta ligjore, ndikimeve të ngjarjeve të paparashikuara gjeoteknike/natyrore, duke përfshirë efektet me spektër të gjerë të pandemisë së COVID-19 dhe faktorë të tjerë të përmendur më sipër.

Shëndeti dhe mirëqenia e personelit tonë mbeten prioriteti më i lartë dhe TAP-i vijon të ndërmarrë të gjitha masat e arsyeshme teknike dhe ekonomike për zbutjen e efekteve të epidemisë dhe pasojave të saj. Përkundrejt këtij sfondi, në qershor të vitit 2020, TAP-i dorëzoi aplikimin për zgjatje të afatit të vendimit të përjashtimit, duke kërkuar kohë shtesë për fillimin e transportimit të sasive të para të gazit në Evropë?, thuhet në deklaratë.

Më tej, nënvizohet se kërkesa për zgjatje të afatit u miratua, ndonëse TAP tregon se do të përpiqet të fillojë të dërgojë sasitë e para të gazit në fund të vitit, siç edhe ishte parashikuar.

?Ky vendim është në përputhje me qasjen e kujdesit paraprak të TAP-it. Me fjalë të tjera, TAP-i do të përpiqet të fillojë të dërgojë sasitë e para të gazit në fund të vitit. Megjithatë, nëse efektet e pandemisë së Covid-19 do të vijojnë, afati i vlefshmërisë së përjashtimit për TAP-in do të mbetet i vlefshëm edhe pas vitit 2020, në përputhje me rregulloren evropiane. Ka shumë rëndësi të theksojmë se procesi i aplikimit për zgjatje të afatit të vendimit tëpërjashtimit kërkon kohë dhe aplikimi për zgjatje nga fundi i vitit nuk do të ishte i realizueshëm.

Duke pasur parasysh situatën aktuale globale me pandeminë e COVID-19 lidhur me kufizimet, aplikimi për zgjatje të vlefshmërisë së vendimit të përjashtimit, u konsiderua si një zgjidhje teknike e pranueshme për ndodhi të mundshme. Duke qenë një operator i kujdesshëm, TAP-i ka aplikuar dhe, në marrëveshje me Autoritetet Rregullatore Kombëtare, siguroi miratimin e tyre unanim. Megjithatë, TAP-i vijon ta çojë projektin përpara drejt përfundimit të tij të suksesshëm me objektivin përfundimtar dorëzimin e sasive të para të gazit natyror nga Azerbajxhani drejt Evropës brenda vitit 2020?, përfundon reagimi./ CNA.al

Pandemia e Covid-19 pezullon punën/ ?TAP? shtyn me një vit nisjen e transportimit të gazit





Lajmet e fundit nga