web counter
LEXO PA REKLAMA!

SHKARKO APP

App Store
Google Play

Kultivonin bimë narkotike në oborrin e shtëpisë/ Në pranga dy persona, procedohet një tjetër

30 Qershor 2020, 07:05, Kronika CNA

Policia e Tepelenës ka vënë në pranga dy persona, dhe ka proçeduar penalisht një tjetër, pasi akuzohen se kultivonin bimë narkotike në oborrin e shtëpisë.

Shërbimet e Komisariatit të Policisë Tepelenë, në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, në bazë të informacioneve të siguruara në rrugë operative, si dhe kontrollit masiv të territorit, organizuan dhe finalizuan operacionin policor të koduar “Veliqoti”.

Uniformat blu bëjnë të ditur se si rezultat i operacionit u vunë në pranga shtetasit R. S., 23 vjeç dhe A. C., 40 vjeç, banues në fshatin Veliqot, Tepelenë, si dhe u procedua penalisht në gjendje të lirë për shkak të moshës, shtetasi L. B., 79 vjeç, pasi në oborret e banesave të tyre, shërbimet e Policisë gjetën të kultivuara disa bimë narkotike.

Kontrolli i territorit nga toka dhe nga ajri duke përdorur dronë do vijojë pandërprerë, me qëllim evidentimin, parandalimin dhe goditjen e çdo tentative për kultivim të bimëve narkotike.

Materialet në ngarkim të shtetasve të mësipërm i kaluan Prokurorisë së Rrethit Gjyqësor Gjirokastër, për veprime të mëtejshme.





Lajmet e fundit nga