web counter
LEXO PA REKLAMA!

SHKARKO APP

App Store
Google Play

E fundit!

x

Sekuestrohen 3.5 ton lëndë narkotike/ 37 të arrestuar në Itali e Shqipëri

30 Qershor 2020, 06:20, Kronika CNA

Një sasi prej 3.5 ton lëndë narkotike është sekuestruar në kuadër të një operacioni të përbashkët mes Shqipërisë dhe Italisë.

Operacioni është zhvilluar nga Departamenti i Antimafias Italiane dhe i autoriteteve shqiptare me një skuadër të përbashkët investigative.

Në kuadër të këtij operacioni kanë rënë në pranga 37 persona, mes Italisë e Shqipërisë, në sekuetrimin e 3 ton e gjysmë drogë të një pasurie me vlerë 4 milionë euro.

Operacioni i drejtuar nga Antimafia e Barit në bashkëpunim me repartet e Antimafias, të Policisë së Shtetit e të Guardia di Finanzës së qyteteve Foggia, Lecce, Bologna, Roma, Napoli e Catanzaro.

Gjithashtu operacioni është kryer në bashkëpunim me Autoritetet Shqiptare, me CriminalPol, me zyrën ndërlidhëse të Interforze në Tiranë e me koordinimin e Eurojust, që çoi në arrestimin e 37 personave, si përgjegjës të një trafiku ndërkombëtar droge.

Gjatë hetimeve janë sekeustruar 3 ton e gjysmë drogë e tipit marijuanë, hashash e kokainë e  vlefshme për të përgatitur 7 milionë doza drogë me vlerë 40 milionë euro.

Në orët e para të mëngjesit të sotëm po realizohet edhe urdhri i sekuestrimit të pasurive të të arrestuare  me vlerë deri në 4 milionë euro.

Në orën 12 të paradites së sotme do të mbahet një konferencë e përbashkët shtypi.

Në konferencë do të marrë pjesë Kreu i Antimafias e i Antiterrorizmit Italian Federico Calfiero De Raho, Prokurori Special i Antikorrupsionit e Krimit të Organizuar shqiptar Arben Kraja, Nënkryetari i Eurojust Filippo Spezia, prokurori i Barit Giuseppe Volpe, kreu i Antimafias së Barit Francesco Giannella, si edhe Drejtori i Antimafias Italiane Gjeneral Giuseppe Governale.





Lajmet e fundit nga