web counter
LEXO PA REKLAMA!

SHKARKO APP

App Store
Google Play

E fundit!

x

Sallabanda kritika qeverisë/ “Shifrat u rritën nga hapja e gabuar, lirimi duhej bërë gradualisht”

28 Qershor 2020, 14:25, Lifestyle CNA

Mjeku Kita Sallabanda fajësoi qeverinë për rritjen e të infektuarve në vendin tonë, pasi pretendon se virulenca e Covid-19 ka rënë.

Sallabanda thotë se rritja e shifrave ka ardhur si pasojë e hapjes së menjëhershme.

?Në dy vendet që kanë pasur më shumë të sëmurë si Spanja dhe Italia, ka një rënie drastike të sëmurëve më COIVD-19. Në Shqipëri kemi pak a shumë të njëjtat numra. Kjo do të thotë se nuk është problemi i virulencës së virusit, por duhet zgjidhur me masat që duhet të ndërmerren.

Virusi ka humbur virulencën në pjesën e Evropës në të cilën u morën masa. Në Shqipëri unë mendoj që masat që u morën, pra lirimi, nuk u bë në mënyrë të shkallëzuar dhe kjo ka bërë që të kemi rritje të numrit të sëmurëve. Por ajo që unë kam thënë qëndron, pra virulenca ka rënë dhe në të gjitha vendet e Evropës ka rënie drastike të numrit të infektuarve, me përjashtim të Shqipërisë?,u shpreh ai në Abc News.

Mjeku deklaron se lirimi i masave duhej bërë në mënyrë graduale, ndërsa theksoi se maska duhet mbajtur domosdoshmërisht në rrugë.

?Lirimi i masave duhej bërë në mënyrë graduale. Njëkohësisht duhet të merreshin masa për fluksin, që spitalet në Shqipëri të mos bëheshin burim infeksioni. Spitalet në Shqipëri janë kthyer në qendra infeksioni, dhe kjo është një nga kritikat e mia.

Çështja e mbajtjes së maskës në rrugë është me rëndësi. Në Shqipëri nuk bëhet në mënyrë masive. Në Shqipëri u veprua shumë mirë në fillim, por lirimi i masave duhet të bëhej me më shumë inteligjencë. Keni një problem shumë të madh, ditën  e djeshme BE po diskutonte për çështjen e lejimi të vendeve që do të lejojnë të futen në BE, nënvizoi mjeku./ CNA.al





Lajmet e fundit nga