web counter
LEXO PA REKLAMA!

SHKARKO APP

App Store
Google Play

E fundit!

x

Artan Lame dhe Kadastra, çeta e grabitësve në favor të Ben Blushit

28 Qershor 2020, 18:16, Politikë CNA

Artan Lame dhe Kadastra e Shqipërisë janë vënë në shërbim të politikanit gazetar të kthyer në menaxher mediash, Ben Blushi. Janë disa fakte dhe denoncime të publikuara në media por, edhe nga aktorë dhe faktorë të tjerë politikë, të cilët tregojnë se Artan Lame dhe Kadastra po shërbejnë kohët e fundit në interes të grabitjes së pronave për interes të Ben Blushit.

Së pari është denoncuar disa muaj më parë nga CNA.al, legalizimi i një prone në Korçë, në Dardhë të Korçës në zonën turistike me rreth 2 mijë metër katror.

Ben Blushi, në një video të publikuar shfaqet duke u përplasur me komshinjtë dhe bashkëfshatarët e tij në lidhje me një truall të cilin ai e ka legalizuar e më pas kishte marrë një leje ndërtimi.  Kur ligji mund të të japë një legalizim gati 500 metër katror, Ben Blushi kishte mundur të siguronte një sipërfaqe trualli gati 2 mijë metër të tillë dhe këtë e kishte bërë nëpërmjet Kadastrës, nëpërmjet legalizmit.

Disa muaj para se të legalizohej kjo pronë apo dhe prona të tjera të mëvonshme të cilat dalin në denoncimet e Ben Blushit, shpesh herë është parë që kadastra të sulmohet, me stil për interesa të Blushit apo që lidhen me median që ai menaxhon.

Pas truallit në Dardhë u denoncua një tjetër pasuri, rreth 5800 metër katror truall në Dhërmi, pronë shtet e tjetërsuar. E vendosur në emra të tjerë dhe më pas e regjistruar në emër të Ben Blushit.

Ky denoncim i bërë publik me dokumenta nga ish kryeministri Sali Berisha tregonte qartë se Ben Blushi, nëpërmjet një skeme kishte përdorur Kadastrën jo të Korçës por të Vlorës për të regjistruar një pasuri tjetër. Sërish historia kthehet, një tjetër pronë me vlerë miliona euro në Moravë të Korçës është përballë betejës me Ben Blushin dhe me kadastrën.

Disa muaj më parë një biznesmen sulmohej në gazetën shqip, Arben Rel. Kur e shikon për herë të parë thua se diçka po denoncohet, më pas kalojnë muaj dhe dalin disa dokumenta dhe fakte. Arben Reli ka një problem me pasurinë e tij me ortakun e tij dhe ortaku është një njeri i afërt i medias që menaxhohet nga Ben Blushi, pra Top Channel.

Arbeni sulmohej nga gazeta Shqip dhe Ben Blushi jo për ndonjë hall apo problem të madh që kishte të bënte më ndonje shqetësim që i interesonte opinionit publik, por për të treguar Kadastrës, për t?i treguar Artan Lames se ky ishte njeriu problematik i një pasurie që nuk duhet ndarë ashtu siç i takon me ligj, por siç i interesonte Ben Blushit për shkak të lidhjeve dhe favoreve që duhet të bënte me Top Channel. Denoncimi ka mbërritur prej disa ditësh tek CNA.al, është kryer dhe një investigim i thjeshtë dhe materialin mund ta lexoni këtu.

Pra janë të paktën tre raste kur Artan Lame dhe kadastra nga Tirana në Korçë dhe Vlorë kthehen në shërbim të politikanit, gazetar të kthyer në menaxher mediash, Ben Blushi për interesat e tij direkte dhe indirekte.

Në dy rastete para në Dardhë dhe në Dhërmi ku ai ishte pronar dhe tashmë për personat e lidhur me Top Channel dhe pronarët e saj. Ky është një nga rastet më flagrante kur një menaxher mediash merr peng institucionet shtetërore, ashtu si ka marrë dhe kryeministrin që ndoshta është kthyer në një lolo të Ben Blushit. Tani vartësit e Edi Ramës kthehen në çetë grabitësish pronash dhe urdhërojnë regjistrime pasurish apo çregjistrime në favor të interesave të një drejtori televizioni i cili është vërsulur për të grabitur prona nga Dardha në Dhërmi, në Korçë ku të mundet e si të mundet.

Megjithëse CNA.al ka publikuar një dosje të plotë të pasurisë së Ben Blushit, shtimin e saj në mënyrë të frikshme duke siguruar miliona euro pasuri në emër të tij, të fëmijeve të tij por edhe të familjarëve të tij, SPAK dhe prokuroria nuk kanë çelur hetimet, por kjo sërish siç thamë më lart, për një arsye të thjeshtë. Ben Blushi ka marrë peng dhe e ka kthyer në lolo kryeministrin dhe institucionet në vartësi i ka kthyer ne zyra grabitjesh të pronave për interesat e tij dhe atyre pranë tij./CNA.al

Flasin banorët e Dardhës/ Ben Blushi po na vjedh dhe shkatërron shtëpitë

 

Video ekskluzive/ Ben Blushi sherr me banorët e Dardhës: Largohuni se jeni me virus  

 

 

 

Publikohet dokumenti/ Ben Blushi grabit pronën në bregdet, me ndihmën e Ramës

 

Gazetari denoncon skandalin/ Ben Blushi grabit pronën në Dhërmi

 

 

Nga Korça, në Vlorë/ Ben Blushi ?hajdut? tokash, si u pasurua me ardhjen e Rilindjes

 

Denoncimi/ Ben Blushi pas Dardhës grabit 6 mijë m2 në bregdet

Skandali/ Artan Lame urdhër për grabitjen e pronës në favor të klientelës mediatike

 





Lajmet e fundit nga