Zhupa “i çjerr maskën” Veliajt/ Publikon dokumentat: Po betonizohet hyrja e Parkut të Liqenit

28 Qershor 2020, 13:04, Politikë CNA

Zëdhënësja e Partisë Demokratike Ina Zhupa, ka zbuluar sot atë që e quan mashtrim të kryebashkiakut të Tiranës Erion Veliaj.

Zhupa ngre akuzat se Veliaj ka nisur fazën e parë e betonizimit të zonës së Parkut të Liqenit, me ndërtesa mbi 9 kate e 29 metra lartësi.

Demokratja ka publikuar dokumentin e njoftimit të fituesit dhe thotë se kryebashkiaku i Tiranës ka zgjedhur firmën e 51N4E, për të betonizuar Parkun e Liqenit.

Sipas saj, firma 51N4E është vendi i punës së Rea Xhillarit, vajzës së familjes Rama.

Veliaj nis fazën e parë e betonizimit të zonës së Parkut të Liqenit, me ndërtesa mbi 9 kate e 29 metra lartësi! Zgjedh firmën e 51N4E, e njohur si vendi i punës së Rea Xhillarit, vajzës së familjes Rama.

E kemi paralajmëruar dhe faktuar me dokumenta që në 2018, betonizimin e zonës së parkut të Liqenit, atje ku ndodhet Garda e Republikës, me preteksin që aty do transferohej Biblioteka Kombëtare edhe Qendra Kulturore për fëmijë për të hapur rrugën e ndërtimeve shumëkatëshe. Ateherë Veliaj e mohoi, edhe si në çdo rast tjetër thjesht mashtroi.

Bashkia Tiranë ka shpallur fituesin e tenderit për ?Hartimin e Planit të Detajuar Vendor të Njësisë TR/169? që është zona ku ndodhet Garda e Republikës pranë parkut të liqenit , fituese ka rezultuar kompania ?I Ri? sh.p.k. Por ky është vetëm emri që nga mbrapa ka zotëruese kompaninë ?51N4E? siç tregojnë dokumentat dhe Gent Agollin, ish konsulentin e ?Sheshit Skënderbej?, pra klientët e zakonshëm të pushtetit?, shkruan ajo në rrjetet sociale.

Më tej, Zhupa thekson se: ?Zona e propagandua nga Veliaj se do i kthehej Parkut të Liqenit por ndërkohë është planifikuar për shërbime, zyra, parkim, banim, ku kullat e klientëve të zakonshëm do zaptojnë edhe këtë territor në hyrje të parkut. Ky plan i Veliajt dëmton akoma më shumë qytetarët e Tiranës, ku çdo cep po betonizohet edhe hapësira e vetme e gjelbër si parku po kafshohet me kulla nga të gjitha anët e saj?./ CNA.al