web counter
LEXO PA REKLAMA!

SHKARKO APP

App Store
Google Play

E fundit!

x

Rritja e numrit të të infektuarve/ Greqia shtyn sërish hapjen e kufirit me Shqipërinë

26 Qershor 2020, 16:18, Sociale CNA

Greqia nuk do të hapë kufijtë me Shqipërinë më 1 korrik, ashtu siç ishte planifikuar më parë. Ministri i Mbrojtjes Sociale, Nikos Hordhalias deklaroi sot nga Janina se nuk do të hepen kufijtë me Shqipërinë më 1 korrik deri në një vendim tjetër.

Ministri grek tha se Greqia nuk është gati të hapë kufijtë me Shqipërinë, në këto momente. Duke filluar nga 1 korriku Greqia ka vendosur të rihapë fluturimet ajrore për turistët nga disa vende, jashtë Bashkimit Europian.

Sipas gazetës greke protothema.gr, vendet për të cilat ndalimi i fluturimeve do të vazhdojë të zbatohet janë: Britania, Suedia, SHBA, Rusia, Izraeli, Katari, Emiratet e Bashkuara Arabe, Arabia Saudite dhe Maqedonia e Veriut.

Të gjithë udhëtarët që do duan të shkojnë në Greqi do të plotësojnë një formular të veçantë elektronik paraprak. Do kryhen gjithashtu testet e marrjes së mostrave të tamponit dhe ata që do të rezultojnë pozitiv do karantinohen për 14 ditë.

Vendimi i palës greke për të mos lejuar qytetarët shqiptarë erdhi për shkak të shtimit të numrit gjithnjë e në rritje të të prekurve me COVID-19, gjatë ditëve të fundit, ndërsa për lëvizjen në zonën Shengen, BE nuk ka marrë ende një vendim zyrtar për datën se kur do të lejohet lëvizja e lirë./CNA.al





Lajmet e fundit nga