web counter
LEXO PA REKLAMA!

SHKARKO APP

App Store
Google Play

E fundit!

x

Mbahen peng prej më shumë se një viti/ 150 studentë kërkesë Shahinit, Kules dhe Konit: Na jepni diplomën

24 Qershor 2020, 17:10, Sociale CNA

150 studentë të Fakultetit të Ekonomisë në Universitetin e Tiranës janë duke u përballur me një situatë të paprecedentë, pasi prej më shumë se një viti nuk po mund të marrin dot diplomat.

Studentët i kanë bërë një kërkesë dekanit të Fakultetit të Ekonomisë Dhori Kule, rektorit të Universitetit të Tiranës Mynyr Koni dhe ministres së Arsimit Besa Shahini, ku i kërkojnë një zgjidhje për çështjen e diplomave.

Ata thonë se janë regjistruar në ciklin e dytë të studimeve ?Master i Shkencave? apo ?Master Profesional? në vitin akademik 2017-2018 dhe i kanë përmbushur të gjitha detyrimet. Studentët pretendojnë se për këtë situatë ku ndodhen kanë vënë në dijeni edhe më parë rektoratin e UT-së dhe dekanatin e FE-së, por nuk kanë marrë asnjë reagim.

Ata kërkojnë që të pajisen me diplomë të ciklit të dytë të studimeve për master brenda afatit 10 ditor nga dorëzimi i kërkesës, pasi theksojnë se diploma nuk është mëshirë për mundin e sakrificën por detyrim i fakultetit./ CNA.al





Lajmet e fundit nga