web counter
LEXO PA REKLAMA!

SHKARKO APP

App Store
Google Play

E fundit!

x

Koço Kokëdhima thirrje Thaçit/ “Jep dorëheqjen, shko në Hagë si qytetar i lirë”

25 Qershor 2020, 13:57, Politikë CNA

Kryetari i Partisë Zgjidhja, Koço Kokëdhima, ka bërë një thirrje publike për presidentin e Kosovës Hashim Thaçin, pas aktakuzave të ngritura nga Prokuroria e Hagës për krime lufte ndaj tij dhe kryetarit të PDK-së Kadri Veselit.

Kokëdhima kërkon që Thaçi të japë dorëheqjen ashtu siç bëri ish-kryeministri i kosovës Ramush Haradinaj kur u thirr në Hagë.

Lideri i Zgjidhjes deklaron se është radha e Thaçit që të japë dorëheqje të parevokueshme nga posti i presidentit për t?u përballur me akuzat e Hagës si qytetar i lirë, duke mos përdorur postin dhe ruajtur nderin e shtetit që përfaqëson.

?Ramush Haradinaj u dorëhoq dy herë nga posti i kryeministrit, më 8 mars 2005 dhe 19 korrik 2019, pas akuzave nga Tribunali i Hagës për krime lufte në territorin e ish-Jugosllavisë. Shprehej se kështu ruante nderin e qeverisë dhe të shtetit e që Kosova të mos paguante një çmim të rëndë për njohjen e saj nëpër botë. E bëri dhe u kthye kryelartë për ta lënë vlerësimin në dorën e popullit. Është radha e Hashim Thaçit që të japë dorëheqje të parevokueshme nga posti i presidentit për t?u përballur me akuzat e Hagës si qytetar i lirë, duke mos përdorur postin dhe ruajtur nderin e shtetit që përfaqëson. Ka shansin e artë që, bashkë me rrëzimin e akuzave për krime, të bëjë edhe ato që i janë faturuar për përdorimin e detyrës së lartë shtetërore për të nënshkruar marrëveshje në dëm të Kosovës. Pa merak, nëse do që të rikthehet në postin e presidentit, sepse do të arrijë t?i mbledhë 61 vota në Kuvendin e Kosovës, siç u bënë për të votuar një qeveri humbësish që nuk ka marrë bekimin e zgjedhësve të Kosovës?, shkruan ai në rrjetet sociale./ CNA.al





Lajmet e fundit nga