E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

Eurobondi/ Ridvan Bode: Defiçiti buxhetor do jetë më i madhi historik që ka pasur ndonjëherë vendi

22 Qershor 2020, 19:02, Ekonomi CNA

?Defiçiti buxhetor do jetë më i madhi historik që ka pasur ndonjëherë vendi dhe ka nevojë të financohet?.

Kështu deklaroi mbrëmjen e sotme ish-ministri i Financave Ridvan Bode, teksa po fliste për eurobondin 650 milionë euro që mori Shqipëria pak ditë më parë nga tregjet ndërkombëtare.

Bode tha se borxhi ka kosto shtesë dhe e bën më të kushtueshëm në krahasim me instrumentet tjera.

?Instrumenti i zgjedhur për mua është i përshtatshëm. Jo sepse ka kosto më të ulët por sepse është më i sigurt, është më afatgjatë, dhe jep një kontribut në ekonominë shqiptare sepse fut para të freskët në një periudhë që ka nevojë. Defiçiti buxhetor do jetë më i madhi historik që ka pasur ndonjëherë vendi dhe ka nevojë të financohet. Sigurisht që borxhet janë kosto shtesë.

Nuk shlyhet vetëm borxhi por edhe interesat. Kjo e bën borxhin më të kushtueshëm në krahasim me instrumentet e tjerë, por kur ekonomia kërkon të stimulohet, apo në rastin tonë edhe të fatkeqësisë natyrore, rritja e defiçitit dhe borxhit publik bëhet e pashmangshme. Sot e gjithë bota i është drejtuar rritjes së deficitit dhe borxhit publik si instrumente për të zhbllokuar ekonominë si pasojë e pandemisë dhe karantinës?, u shpreh ai në Ora News.

Sipas tij, ky borxh do dëmtojë kapacitetin tonë afatmesëm e afatgjatë për të marrë borxh dhe për të qenë kompetitivë në tregjet financiare globale.

?Ky borxh sigurisht do dëmtojë kapacitetin tonë afatmesëm, afatgjatë për të marrë borxh dhe për të qenë kompetitivë në tregjet financiare globale, por mendoj që kështu u gjykua për të kapërcyer situatën. Rritja e borxhit publik, përveç nevojës për të shlyer huanë e marrë ndër vite, do të implikojë edhe kostot që vijnë nga interesat e borxhit.

Ne kemi kontraktuar një borxh publik i cili nuk bazohet në norma fikse interesi. Borxhi është i keq në perspektivë, por është i domosdoshëm në një moment të caktuar për të mos bllokuar tërësisht ekonominë apo për të provuar më të keqen që do ishte degradim i ekonomisë së vendit apo i mirëqënies sociale. Është një marrëveshje ose pazar që bën politika e momentit me të ardhmen?, theksoi Bode./ CNA.al