web counter
LEXO PA REKLAMA!

SHKARKO APP

App Store
Google Play

E fundit!

x

Rikthehet dielli dhe temperaturat e larta/ Ja si do të jetë moti për javën që vjen

21 Qershor 2020, 12:59, Sociale CNA

Ndonëse java që lamë pas u shoqërua me reshje dhe rrebeshe shiu, pritet që java që vjen të na sjellë diellin dhe temperatura relativisht të larta.

Shërbimi Meteorologjik parashikon që dielli dhe temperaturat e larta të vijnë gjatë ditës së Enjte dhe të Premte.

Ndërkohë, paqëndrueshmëria e motit do të vijojë për ditët e Hënë, Martë dhe Mërkurë me një karakteristik të përbashkët. Gjatë pjesës së parë të ditës moti do të jetë me kthjellime dhe vranësira kalimtare shoqëruar me reshje shiu të dobta gjatë ultësirës perëndimore.

Nga orët e mesditës deri ato të pasdites, në relievet kodrinore dhe malore në lindje të territorit (por edhe një pjesë e ultësirës perëndimore) do të ketë zhvillim të menjëhershëm të vranësirave deri të dendura. Këto vranësira do të shoqërohen me reshje shiu me intensitet deri mesatar, por në zona të caktuara në formën e rrebesheve dhe breshërit deri të lartë.

Java mbyllet me ditën e Enjte dhe të Premte me mot të kthjellët në pjesën më të madhe të territorit. Vranësirat kalimtare do të jenë përgjatë relieveve të larta malore shoqëruar me reshje shiu të dobta./ CNA.al





Lajmet e fundit nga