web counter
LEXO PA REKLAMA!

SHKARKO APP

App Store
Google Play

E fundit!

x

Komisioni i Venecias “shkund” qeverinë/ Balla mesazh të fortë Metës dhe Opozitës  

20 Qershor 2020, 10:46, Politikë CNA

Kreu i grupit parlamentar të PS-së, Taulant Balla ka dalë sot në një konferencë për mediat, ku ka folur në lidhje me Opinionin e Komisionit të Venecias për emërimet në Gjykatën Kushtetuese, ku justifikoi veprimet e Presidentit Meta dhe i jep të drejtë faktit që nuk pranoi betimin e Arta Vorpsit, e cila u zgjodh automatikisht nga mekanizmi zhbllokues.

Balla i drejtoi një mesazh të fortë Metës dhe opozitës, ndërsa bëri thirrje sot që rekomandimet të mos lexohen si tifoz.

“Nuk është detyrë e komisionit të Venecias të analizojë se kush ka të drejtë nga palët. Është detyra jonë që opinionet mos ti lexojmë me disa fjali të shkëputura, por parlamenti ka përgjegjësi që jo vetëm të zbërthejë cdo rekomandim por të adresojë hapat për zbatimin. Nuk mund të jetë proces ekzaltimi se kush ka të drejtë dhe gabim.

Opinionet mos të lexohen si tifoz. Venecia është trupë e spikatur që synon që të ndihmojë shtetet anëtare të vendosin standardet më të mira. Në rastin e zhbllokimit të Gjykatës Kushtetuese iu drejtuam Venecias për rekomandime për reformën në drejtësi për mekanizmin e zhbllokimit. Komisioni rekomandon ndryshime të kushtetutës për emërimin e gjyqtarëve kushtetues dhe garantimin e mandatit 9-vjeçar” tha ai.





Lajmet e fundit nga