web counter
LEXO PA REKLAMA!

SHKARKO APP

App Store
Google Play

“Nuk duhet ta nënvlerësojmë virusin”/ Brataj: Ja rasti kur mund të kthehemi në karantinë

18 Qershor 2020, 20:27, Sociale CNA

Drejtori i Urgjencës Kombëtare Skënder Brataj, ka treguar se aktualisht nuk është duke u menduar rikthimi i karantinës apo i mbylljes së vendit.

Brataj tha se shqiptarët mund të kthehen në karantinë vetëm nëse numri i të shtruarve në spital shkon përtej kapaciteteve që janë 400 shtretër.

?Nuk mendohet të bëhet karantinë. Skenari i karantinës është nëse numri i pacientëve do të shkojë më shumë se kapacitetet që ne kemi. Vetëm kur numri i të shtruarve në spital të kalojë 400 shtretër?, u shpreh ai në emisionin ?Opinion?.

Kreu i Urgjencës Kombëtare tha se fasha më në rrezik është mosha e thyer dhe sugjeroi që ata të jenë edhe më të kujdesshëm se qytetarët e tjerë dhe të qëndrojnë në shtëpi.

Brataj dhe disa këshilla për qytetarët, për të cilët tha se nuk duhet ta nënvlerësojnë pasi virusi ende është i rrezikshëm.

?Virusi vërtet u izolua, por nuk ka ikur, është akoma aty. Niveli i infektimit të virusit nuk ka ndryshuar. Ka ndryshuar forma e shfaqjes. Nuk mund të themi që ka ulur virulencën. Ka shenja më agresive, përhapje të njëjtë dhe një numër më të vogël të pacientëve që shkojnë në spital. Nuk duhet ta nënvlerësojmë. Ne duhet të bashkëjetojmë me virusin e kemi thënë që në fillim. Por të bashkëjetosh do të thotë të jetosh duke respektuar rregullat?, nënvizoi ai./ CNA.al





Lajmet e fundit nga