E fundit!

10:44 Aktualitet Besim Ndregjoni

Mbyllja e kapitujve të BE për arsimin dhe kërkimin shkencor, Kumbaro: Fryt i reformave

Shqipëria mbylli me sukses tre kapitujt e parë të Integrim...

Gjendja në fshat jashtëzakonisht e vështirë/ Gjysma e popullsisë e braktisur, asnjë subvencion nga qeveria

17 Qershor 2020, 09:43, Politikë CNA

Kryetari i Partisë Demokratike, Lulzim Basha vijon takimet me qytetarët.

Kështu, sot Basha është ndalur në fshatin Kalaç i Ndroqit, ku ka dëgjuar nga afër shqetësimet e këtyre banorëve.

?Të dashur miq ju përshëndes nga fshati Kalaç i Ndroqit. Më është dashur të paktën 10 minuta të vij nga rruga automobilistike këtu , sepse rruga është për faqe të zezë. Këtu jemi me zonjën Nevrije në një arë të mbjellë nga ajo edhe nga familja e saj dhe vajza e saj, Ana.

E kanë mbjellë me domate, një nga domatet më të preferuara për të gjithë shqiptarët besoj edhe për mua, që quhet zemërkau. Është akoma jeshile siç e shikoni, seose e kanë mbjellë në mars dhe presin ta vjelin në korrik.

Sot ndodhem në këtë fshat të Ndroqit, do të jem edhe në disa fshatra të tjera për të bashkëbiseduar me fermerët për gjendjen në të cilën ndodhen. Duhet t?ju them. paraprakishtx se nuk kam, për fat të keq, asnjë surprizë pozitive se këtu në Ndroq si kudo tjetër në Shqipëri, situata paraqitet jashtëzakonisht e vështirë.?-u shpreh Basha.

Më tej, ai akuzoi qeverisë se ka lënë në harresë fshatrat, ku sipas tij jetojnë gjysma e popullsisë.

?Fermerët bëjnë gjysmën e popullsisë së vendit. Gjysma e popullsië jeton me tokën, jeton me bujqësinë dhe me blegtorinë. Janë lënë komplet jashtë vëmendjes. Nuk kanë marrë asnjë lloj mbështetje, jo vetëm tani, por për 7 vite me rradhë. Shumica dërrmuese e fermerëve as e kanë dëgjuar subvencionin e jo më ta marrin atë. Punojnë nga ora 5 e mëngjesit, siç nis puna në bujqësi, e deri ne darkë vonë. Kultivojnë, domate apo prodhime të tjera të sezonit, sipas zonës, sipas specialiteteve që kanë dhe, kur vjen puna, nuk kanë as garanci që do ta nxjerrin ne treg. Kur e nxjerrin në treg, nuk kanë as garanci që do ta shesin për të larë koston, koston e prodhimit që do të thotë, koston e farës të plehrave, jo më të punës.

Kjo është situata këtu në Kalaq të Ndroqit që jemi realisht në vijë ajrore 2 kilometra ose maksimumi 3 kilometra nga kryeqyteti, kështu është kudo anembanë vendit. Mungesë totale mbështetje, braktisje totale harresë totale, ndërkohë që qindra miliona euro të taksave që këto njerëz paguajnë për çdo gjë, nga tvsh-ja, faturat e energjisë e gjithçka tjetër, shkojnë për 4-5 oligarkë, në vend që të ndihmojnë këta njerëz punëtorë. Ata nuk kërkojnë lëmoshë, sepse punojnë nga mëngjesi në darkë, punojnë tokën e tyre. Kush ka më shumë, kush ka më pak tokë, kush ka mundësi të ketë pak sera, kush tjetër nëpër ara, por zero, zero mbështetje.?-theksoi Basha./ CNA.al