web counter
LEXO PA REKLAMA!

SHKARKO APP

App Store
Google Play

E fundit!

x

"Përçarja" e opozitës parlamentare/ Përmeti: Heqja e koalicioneve nuk dëmton PD-në

16 Qershor 2020, 20:18, Politikë CNA

Deputeti i Bindjes Demokratike Andi Përmeti, ka folur për qëndrimet e opozitës parlamentare lidhur me Reformën Zgjedhore, e cila duket se është përçarë.

Analistët kanë ngritur aludime se opozita parlamentare po përdoret nga kryeministri Edi Rama, ndërsa Përmeti nuk e pranon këtë.

Sipas tij, diskutimi mbi koalicionet sikur dëmton një palë dhe i jep fuqi palës tjetër, nuk është i vërtetë.

?Unë si fillim nuk e shoh në këtë mënyrë. Atje janë disa deputetë të opozitës parlamentare që kanë qenë të bindur dhe kanë kërkuar ndryshimin e sistemit me lista të hapura. Unë personalisht që përpara se të merrja mandatin, unë kam kërkuar publikisht ndryshimin e sistemit dhe hapjen e listave. Kësaj i kam qëndruar në çdo debat. Të gjithë kërkojnë listat e hapura. Dhe të thuash që Rama kap për hapjen e sistemit ku përfaqësuesi i tij, Gjiknuri tha që nuk do të ketë diskutim për ndryshimin e sistemit, kjo është e tepërt. Ndërsa për heqjen e koalicioneve parazgjedhore, unë nuk e kuptoj se si heqja e koalicioneve në lista të hapura, që vijnë automatikisht, dëmtojnë PD-në. Ky diskutim mbi koalicionet sikur dëmtojnë një palë dhe i jep fuqi palës tjetër, nuk është e vërtetë?, theksoi ai në Rtv Ora./ CNA.al





Lajmet e fundit nga