web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimi i Ngjelës/ Nëse Amerika vazhdon reformën antikorrupsion vetëm Hajdari shkon në zgjedhje

16 Qershor 2020, 18:59, Politikë CNA

Një paralajmërim të fortë ka bërë avokati Spartak Ngjela për krerët e partive më të mëdha politke në vend, teksa po fliste për reformat.

Ngjela pretendon se nëse politika amerikane do të vazhdojë refeormën antikorrupsion, vetëm Rudina Hajdari do të dalë e pastër dhe do të shkojë në zgjedhjet parlamentare të 2021-shit.

?Ne kemi shpresë tek reforma antikorrupsion. Përveç Hajdarit, këta të tjerët janë me probleme. Nëse politika amerikane dhe ajo e BE-së e lartë do të vazhdojnë reformën antikorrupsion, veç Rudina Hajdarit që ka qenë në ShBA, këta të tjerët do të kenë probleme. Nuk ma do mendja të jenë fare në zgjedhjet e 2021. Nuk na intereson problemi i tenderit. Këta të dy nuk bëjnë dot zgjedhje të lira sepse kanë futur duart në paratë e shtetit. Janë marrë me korrupsion. Kanë qenë në bashkëpunim me krimin e organizuar dhe tani janë drejt akuzës. Ambasadorja tha që janë bashkë dhe unë e besoj që janë bashkë?, u shpreh ai në Rtv Ora.

Ngjela tha asnjë forcë nuk mund ta ndalojë Reformën në Drejtësi, ndërsa akuzon partitë kryesore në vend se po kërkojnë liri për manipulim.

?A do të ketë forcë që ta ndalojë Reformën në Drejtësi. Unë them jo sepse do ta bëjë politika amerikane. Ambasadorja është shefja e politikës amerikane. Me këta nuk shkohet në zgjedhje se nuk e lënë popullin të votojë. Janë dy palë që nuk kërkojnë votim të lirë. Po të kërkonin votim të lirë do kishin bërë atë që ka kërkuar ODIHR. Këta kërkojnë liri për manipulim. Jo kush të votohet më shumë por kush të manipulojë më shumë. Nuk kanë të ardhme politike sepse do jenë nën kontroll. Nëse do zbatohet Kushtetuta aktuale, nga 15 korriku deri më 15 shtator këtyre u fillon kontrolli, sa të fillojë punë BKH-ja?, nënvizoi avokati./ CNA.al





Lajmet e fundit nga