E fundit!

15:31 Qyteti im

“Atdheu mbi të gjitha”/ Koncerti që bashkoi artistët dhe publikun në Pogradec

Përpara qindra qytetarëve dhe turistëve, në sheshin “Odeon...

Kriza e krijuar nga pandemia e koronavirusit/ Shoqatat Turistike 6 kërkesa Ramës

16 Qershor 2020, 16:43, Sociale CNA

Shoqatat Turistike kanë nënshkruar një peticion me gjashtë kërkesa për kryeministrin Edi Rama lidhur me kapërcimin e krizës së krijuar nga Covid-19.

Shoqatat i kërkojnë Ramës t?i çlirojë nga detyrimet fiskale, t?i subvencionojë pagat e punonjësve, të grirjë këstet dhe krijojë kushtet për kreditë e buta.

Gjithashtu ata duan pagesa të sigurimeve shoqërore të hoteleve që kanë profil sezonal, zbritje të TVSH-së nga 20% në 10 % dhe bonus për turistët vendas që do bëjnë pushime në Shqipëri.

6 kërkesat e Shoqatës Turistike:

1-Çlirimin e bizneseve të turizmit nga të gjitha detyrimet fiskale deri në 31 dhjetor 2020 (përfshirë taksat lokale dhe taksën e pronës)

2-Subvencionimin e pagave edhe për punonjësit e bizneseve të mëdha turistike të larguar nga puna pas datës 10 prill 2020

3-Ngrirjen e kësteve dhe krijimi i kushteve për kreditë e buta për sektorin e akomodimit.

-Propozojmë të shtyhen afatet e pagesave të kredive të paktën deri në 30 mars 2021, qeveria duhet të mbulojë me grante nga BE interesin e stokut të kredive në këtë industri.

-Të rritet kapitali i garancisë sovrane dhe tu krijohet mundësi kreditimi hoteleve nga kjo garanci deri 20% të të ardhurave të realizuara në vitin 2019 me interes zero dhe gres periode deri në 2 vjet në mënyrë që të shpëtojë falimenti.

4-Mbështetje nga qeveria me pagesa të sigurimeve shoqërore të hoteleve që kanë profil sezonal dhe kryesisht ato që nuk kanë biznes të dytë gjatë periudhës së dimirt.

5-Zbritja e TVSH nga 20% në 10 % edhe për hallkat e tjera të turizmit që nuk janë përfshirë në reduktimin e TVSH.

Stimuli i turizmit të brendshëm nëpërmjet subvencioneve

6-Bonus për turistët vendas që do bëjnë pushime në Shqipëri./ CNA.al