E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Politikë me pasoja të rënda”/ Ish-ministri i Ramës numëron dështimet e qeverisë: Kush është sfida e radhës

9 Qershor 2020, 07:31, Politikë CNA

Ish-ministri i Drejtësisë në qeverinë ?Rama 1?, Ylli Manjani ka komentuar propagandën e Rilindjes në lidhje me ndërtimin e aeroportit të Vlorës dhe Kukësit.

Në një postim në rrjetet sociale, Manjani thekson se qëllim u shpall ulja e çmimeve të biletave të avionëve për popullin, por që në fakt sipas tij rezultoi një politikë e dështuar, kostot e të cilës do i paguajnë vetë qytetarët.

Po ashtu Manjani thekson se jo vetëm që nuk u hapën as Aeroporti i Kukësit dhe as i Vlorës, por sfidë tani mbetet rifillimi i fluturimeve nga Rinasi.

?Përtej debateve mbi tendera, fitues pa garë, koncensionet, me turqit apo europianët, eksluziviteti apo konkurrenca, me korrupsion apo ndershmëri, u shpall qëllimi:

Të ulet çmimi i biletave të avionëve për popullin.
Për këtë qëllim u vendos:
1. Të rivitalizohet aeroporti i Kukësit, ndaj dhe u dha me konvension.
2. Të ndërtohet një aeroport i ri në Vlorë.
Pra:
Shqipëria krahas Rinasit do kishte edhe 2 aeroportë të tjerë,që do rrisnin numrin e fluturimeve dhe do ulnin çmimin e biletës.
Ky ishte plani.
Në fakt jo vetëm që:
1. Në aeroportin e Kukësit fluturojnë vetëm zogj, se avionë nuk bëhet fjalë.
2. Aeroporti i Vlorës është ende në mend, megjithë deklaratat e sforcuara publike gjatë gjithë 2018 dhe 2019.
Por tashmë:
Jemi edhe pa aeroportin e Rinasit. Të vetmin aeroport që kishim. Përkohësishr. Dakort por pa të jemi.
Rihapja e Rinasit, pas pandemisë po bëhet një sfidë më vete. Në fakt ne hapur e kemi, por kush fluturon aty është puna…
Askujt nuk po i bie mendja më tek ulja e çmimit. Tani sfida është rihapja dhe rikthimi i fluturimeve…
Por lëvizja e lirë në zonën schengen mbetet pezull. Biles edhe në minischengen është po pezull…
Ndaj dhe Rinasin e shohim veç kur kalojmë për të shkuar në Shkodër…
Ndërkohë, investimet kuturu të derisotme në aeroportet e reja shumëzohen me 0.
Përfundimisht:
Jo çmimi që nuk u ul e ska shanc të ulet (veç mund të ngrihet), por shqiptarët do të duhet të paguajnë edhe investimet e çuara dëm.
Ja një tjetër politikë e dështuar me pasoja të rënda.?-shkruan Ylli Manjani.