web counter
LEXO PA REKLAMA!

SHKARKO APP

App Store
Google Play

Marrëveshja për Zgjedhoren/ Mediu: Rama do pengojë identifikimin biometrik

8 Qershor 2020, 18:49, Politikë CNA

Kryetari i Partisë Republikane, Fatmir Mediu, ka folur për marrëveshjen e lidhur nga mazhoranca dhe opozita për Reformën Zgjedhore.

Mediu nuk e cilësoi si një marrëveshje për Reformën Zgjedhore, por për një pjesë të saj dhe më konkretisht për administrimin e procesit.

Aleati i Lulzim Bashës pretendon se kryeministri Edi Rama do ta pengojë këtë proces dhe nuk do të lejohet identifikimi elektronik.

?Kjo nuk është marrëveshje për Reformën Zgjedhore, është një marrëveshje për një pjesë të saj që ka të bëjë me administrimin e procesit, e cila shmangi një kërkesë ose një tendencë për manipulim nga Rama në emër të të ashtuquajturave komisione të depolitizuara. Donte që të kontrollonte gjithë komisionet e qendrave të votimit të KZAZ dhe grupeve të numërimit për të shënuar fitoren në tavolinë. Kjo lëvizje që u bë ishte pozitive për ta rikthyer opozitën në komisionet që kishte pasur më parë.

Një lëvizje pozitive është dhe identifikimit biometrik por duhet parë implementimi i saj. Gjuha e përdorur në marrëveshje të jep përshtypjen se opozita e do këtë teknologji në 100 përqind por dhe qeveria duket e rezervuar për identifikimin elektronik. Kjo është e domosdoshme për të shmangur votimin dy herë apo në grup. Bindja ime, duke u nisur nga qasja e qeverisë dhe Ramës, mazhoranca do ta pengojë këtë proces dhe nuk do të lejohet identifikimi elektronik?, tha kreu i PR në Rtv Ora./ CNA.al





Lajmet e fundit nga