E fundit!

07:51 Kosova & Bota

Cilat vende të BE-së luftojnë hendekun e pagave?/ Rregullat e reja të transparencës e ndajnë bllokun

Vetëm katër vende të BE-së e kanë zbatuar Direktivën e BE-...

Kampionati i lë vendin Kupës së Shqipërisë, ja kur do të zhvillohen 4 sfidat

8 Qershor 2020, 09:20, Sport CNA

Pas rikthimit të Kategorisë Superiore, tashmë është koha që të fillojë edhe turi çerekfinal i Kupës së Shqipërisë. Ndeshjet do të luhen ditën e enjte, ndërsa janë rezervuar disa përballje interesante. Kështu, Bylisi do të presë në shtëpi Skënderbeun. Korçarët janë në një formë mjaft të mirë dhe kanë vazhduar me fitoret radhazi, megjithatë Kupa është një objektiv sezonal për ballshiotët të cilët kërkojnë t?i shkojnë deri në fund kompeticionit. Ndërkaq, në rast se nuk ia del në kampionat, Kupa mund të jetë një ngushëllim për Kukësin.

Verilindorët përballen me Apoloninë e Kategorisë së Parë dhe pritet të mos ketë shumë probleme për të prekur gjysmëfinalen. Sakaq, Tirana kryesuese e Superiores do të provojë të vazhdojë me të njëjtin ritëm edhe në këtë kompeticion. Bardheblutë gjejnë përballë Besëlidhjen, teksa nga lezhjanët duhet pasur kujdes pasi janë ata që ?flakën? jashtë Kupës, Partizanin.

Ndërkohë, ndeshja tjetër është ajo mes Vllaznisë dhe Teutës. Shkodranët po kalojnë një situatë të vështirë pas largimit të trajnerit Jonuz dhe situata në kampionat nuk duket shumë premtuese, ndërsa nga ana tjetër, ky vit që përkon me 100-vjetorin e Teutës kërkohet të mbyllet me një Kupë. Kujtojmë se ndeshjet do të luhen me sistemin vajtje-ardhje.

Ndeshjet:

17:30 Tirana-Besëlidhja

17:30 Vllaznia-Teuta

17:30 Apolonia-Kukësi

17:30 Bylisi-Skënderbeu