web counter
LEXO PA REKLAMA!

SHKARKO APP

App Store
Google Play

E fundit!

x

Juventusi parakalon Interin, ja prapaskenat me Marash Kumbullën

8 Qershor 2020, 11:09, Sport CNA

Bota rrotullohet shumë shpejt dhe ofron histori në limitet e të paimagjinueshmes. Marash Kumbulla do të kishte gati një histori për një seri televizive. Një vit më parë ishte i njohur vetëm nga ekspertët e futbollit (ose të futbollit veronez, por ky është një tjetër diskutim), ndërsa sot, 365 ditë më vonë lexojmë rregullisht lajme për interesimin që kanë skuadra si Interi, Juventusi, Lacio, Napoli, skuadra angleze dhe gjermane. Duke llogaritur faktin që tri të parat janë më të mundshme dhe renditen në tri vendet e para të Serisë A, mund të themi se lufta për Marash Kumbullën është si një garë për titullin kampion.

VRULL I JUVENTUSIT ? Juventusi i ka ruajtur kontaktet me Veronën prej kohësh për të monitoruar futbollistin, i cili nga aspekti teknik i pëlqen shumë. Por për momentin bardhezinjtë nuk mund të shpenzojnë 30 milionë euro për një lojtar, i cili luan në repartet ku janë edhe lojtarë si Kielini, Bonuçi, De Ligt, Demiral, Rugani dhe Romero që do të transferohet në fundin e këtij sezoni nga Xhenoa. Mediat italiane raportojnë në ditët e fundit se ?Zonja e Vjetër? ka nisur një sulm total për Kumbullën dhe ka parakaluar Interin. Lojtarit gjithashtu do t?i interesonte diçka e tillë sepse te bardhezinjtë do të merrte leksione nga ?profesorët? e mbrojtjes. Gjithashtu Verona dhe Juventusi kanë një urë komunikimi të mirë dhe bardhezinjtë janë gati të bëjnë ofertën më të lartë deri tani për mbrojtësin e Kombëtares shqiptare. Nga 20 vjeç deri në 35 janë 15 vite karrierë e shkëlqyer për Kumbullën. Një arsye e rëndësishme pse kampionët e Italisë do të bëjnë gjithçka për të afruar një nga talentet më të mëdha të këtij sezoni në Serinë A.

INTERI S?TREMBET ? Çështja kryesore si gjithmonë është çmimi. Verona kërkon 30-35 milionë euro dhe ka si qëllim që ta mbajë Marashin edhe për një vit tjetër në skuadër nëse Juriç qëndron si trajner. E vështirë, shumë e vështirë. Kumbulla ndihet gati për të hedhur hapin e madh në karrierë dhe në javët e ardhshme do të bëjë zgjedhjen. Ose më mirë, do të zgjedhë ekipin që kënaq dëshirat e Veronës. Për momentin duhet të kërkojë në Serinë A, sepse aty janë skuadrat më të avantazhuara. Interi ka lëvizur prej kohësh dhe është gati t?i ofrojë Veronës një kombinim (para + lojtarë). Bëhet fjalë për Edi Salsedon dhe Federiko Dimarkon, një mbrojtës dhe një sulmues, të cilët janë të huazuar te Verona. Presidenti Seti shpreson që të ketë një ankand për lojtarin dhe në këtë mënyrë do të rritet çmimi për të. Por në kohën e Koronavirusit gjithçka është e vështirë.

LACIO PO PRET- Nuk duhet të harrojmë një skuadër tjetër shumë të fortë në garën për Kumbullën, e cila mund të luajë fort me kartën ?Igli Tare?. Te Lacio futbollisti do të jetë titullar në një mbrojtje me tre, skemë e njëjtë me të Veronës. Shqiptari Tare mund të ndikojë shumë në zgjedhjen përfundimtare të Marashit. Për momentin asnjë skuadër nuk është e gatshme të paguajë 30-35 milionë euro për Kumbullën, pa përfshirë në marrëveshje lojtarë. Merkatoja në dalje për Interin dhe Lacion do të jetë e rëndësishme për fatin e lojtarit shqiptar. Në dy muaj ai duhet të konfirmojë veten dhe pastaj të shohë ndoshta edhe larg Italisë. Në Gjermani ekipe si Dortmundi dhe Lajpcigu janë gati që ta transferojnë, pavarësisht se dëshira e tij është të qëndrojë në Itali.





Lajmet e fundit nga