Birra bëhet gati, Bayerni i Mynihut mund të shpallet kampion të shtunën

8 Qershor 2020, 12:28, Sport CNA

Sezoni i Bundesligës do edhe katër ndeshje (12 pikë) që të përfundojë, por nuk ka më asnjë dyshim se cila do të jetë skuadra e cila do të kurorëzohet kampione. Që prej fitores ndaj Dortmundit, është vetëm një çështje kohe përpara se Hansi Flik ta quajë veten trajner kampion me Bayernin e Mynihut.

Dhe kjo mund të ndodhë që në ndeshjen e radhës kundër Borusias së Mënshengladbahut. Bajerni kryeson 7 pikë përpara Dortmundit dhe ndeshjen e radhës do ta luajë të shtunën (13 qershor) në orën 18:30.

Ndjekësit e Dortmundit luajnë ndaj Dyseldorfit në 15:30. Borusia duhet të humbasë kundër Fortunës dhe Bajerni të fitojnë me Gladbahun në ?Allianz Arena?, një rezultat që do ta dërgonte 10 pikë përpara rivalëve dhe me tri javë deri në fund, normalisht edhe matematikisht kampionë.

Një barazim nga Dortmundi, i shoqëruar me një fitore të Bajernit, do të bënte që skuadra e Flikut ta hipotekonte titullin e 30-të kampion në teori. Sepse, me 9 pikë dhe një golavarazh më të mirë, vetëm një skenar i çmendur mund të bënte që gjërat të përmbyseshin.

Nëse Dortmundi dhe Bajerni fitojnë këtë javë, atëherë ata mund të shpallen kampionë të martën (16 qershor), me një fitore ndaj Verder Bremenit. Sepse, edhe me fitoren e tri pikëve të Dortmundit në shtëpi ndaj Maincit të mërkurën (17 qershor), verdhezinjtë nuk mund të rikuperojnë 7 pikë në dy javët e mbetura.