web counter
LEXO PA REKLAMA!

SHKARKO APP

App Store
Google Play

Detaje nga sherri mes familjeve në Berat/ Arrestohet një person, procedohen 3 të tjerë

7 Qershor 2020, 07:08, Kronika CNA

Policia ka zbardhur detaje nga sherri mes dy familjeve në lagjen ?Barrikadë?, në Berat, ku mbetën të plagosur 5 persona.

Blutë njoftojnë se kanë parandaluar përshkallëzimin e mëtejshëm të konfliktit mes dy familjeve Dhana dhe Alibeaj dhe kanë arrestuar në flagrancë një person si dhe kanë proceduar penalisht tre të tjerë.

?Shërbimet e Komisariatit të Policisë Berat me marrjen e njoftimit se në lagjen ?Barrikada? po ndodhte një konfikt shkuan menjëherë në adresën e dhënë ku rezultoi se:

Disa persona, pjestarë të dy familjeve, për motive të dobëta po konfliktoheshin fizikisht me njëri-tjetrin duke përdorur mjete të forta e prerëse dhe për pasojë kishin marrë dëmtime disa shtetas të përfshirë në konflit të cilët u dërguan në spital për ndihmë mjeksore.

Po gjatë konfliktit shtetasi K.Dh, ka plagosur rëndë me mjet prerës shtetasin A.A., i cili ndodhet në spital nën kujdesin e mjekëve.

Në përfundim të veprimeve të para hetimore u bë arrestimi në flagrancë i shtetasit K.Dh., 52 vjeç banues në Berat, si dhe u proçeduan shtetasit G.A., 46 vjeç, E.A., 44 vjeç, dhe M.Dh., 38 vjeçe?, thuhet në njoftimin e policisë.

Ndërkaq, materialet i kaluan Prokurorisë së Rrethit Gjyqësor Berat për veprat penale për shtetasin K.Dh ?Plagosje e rëndë me dashje? dhe ?Plagosje e lehtë në bashkëpunim? për 3 shtetasit e tjerë./ CNA.al





Lajmet e fundit nga