web counter
LEXO PA REKLAMA!

SHKARKO APP

App Store
Google Play

E fundit!

x

"Ambasadorët përpjekje për të mbrojtur Ramën"/ Besnik Mustafaj: Reforma Zgjedhore nuk do të ketë rezultat

4 Qershor 2020, 17:27, Politikë CNA

Ish ministri i Jashtëm, Besnik Mustafaj, i ftuar në rubrikën ?Opinion? në news 24, deklaroi se Reforma Zgjedhore është në një fazë terminale.

Sipas tij ambasadorët janë duke mbajtur më shumë anën e kryeministrit Edi Rama, ndërsa shtoi se kryeministri dhe Basha duan të ruajnë status quo-në politike.

?Kjo është një fazë terminale në mendimin tim, sepse iu hoq ?koka? e saj, që është ndryshimi i sistemit zgjedhor. Objektivi kryesor duhet të jetë që të mos vidhen më zgjedhjet. Administrata është totalisht politike.

Ambasadorja Kim duhet të lexonte së paku raportin e ODIHR më 2019, që thoshte se administrata është e politizuar. Qeveria po përdor edhe mësuesit për zgjedhje. Fjalia ?topi është në anën e Bashës? është presion publik. Nuk pajtohem me sjelljen e ambasadorëve.

Dosja e Durrësit dhe dosja e Peshkopisë vërtetojnë revanshin e qeverisë Rama për të mbajtur pushtetin. Nuk e dimë se cfarë ka lëshuar maxhoranca, por di që opozita nuk duhet që ta pranonte Damian Gjiknurin. Gjiknuri është ai që ka thënë se po të sjell disa cuna problematikë?. Shumë media botërore, edhe BILD ka botuar disa gjëra që janë të frikshme për atë që ndodh me zgjedhjet në Shqipëri.

Gjiknuri duhet të ishte hetuar nga Prokuroria. Opozita për mendimin tim në kërkesat për Reformën Zgjedhore nuk ka qenë koherente, por nga ana tjetër opozita është viktimë, në tërësinë e vet. Unë besoj se nuk do ketë ndonjë rezultat. Berisha nuk thyhej nga presionet. Rama dhe Basha duan të ruajnë status quo-në, shtoi Mustafaj./CNA.al

 





Lajmet e fundit nga