web counter
LEXO PA REKLAMA!

SHKARKO APP

App Store
Google Play

E fundit!

x

Ardi Veliu i nxorri videon me armë/ Flet nëna e të miturit: E telefonova por s’mu përgjigj

29 Maj 2020, 18:10, Sociale CNA

Zajda Çobos, nënës së të miturit të dhunuar nga policia, iu publikua sot një video me armë në dorë nga drejtori i Përgjithshëm i Policisë së Shtetit Ardi Veliu.

Nëna e 15-vjeçarit që rezulton të jetë aktore, ka treguar se është tmerruar nga ajo që kishte bërë Veliu dhe e kishte telefonuar vetë, por sipas saj ai nuk ia kishte hapur telefonin.

Ashtu si edhe ui raportua më parë, Çobo ka pohuar se videoja është shkëputur nga një skenë filmi, ndërsa paralajmëroi se çështjen do ta dërgojë në gjykatë.

?Jam ndjerë e tmerruar. E kam telefonuar drejtorin e Policisë Ardi Veliun dhe ai nuk ma ka hapur telefonin. Veliu ka cënuar figurën time në mënyrë ekstreme. Kjo është skenë filmi. Video është bërë në një prapaskenë filmi që kam realizuar. Video është realizuar në vitin 2018. Gjendet në Facebook-un tim. I bie që ka gërmuar kaq shumë në rrjetet sociale. Nuk e kuptoj se me çfarë të drejte e publikon atë video. Çështjen do ta çoj në gjykatë?, u shpreh ajo në një prononcim për Neës 24.

Gjithashtu nëna e të miturit ka kërkuar mbrojtje nga SHÇBA, nga Avokati i Popullit dhe nga Shoqatat e të Drejtave të Fëmijëve për çështjen e djalit të saj.

?Nuk mund t?i quaj policë ata persona. Policët i kërkonin fëmijës sim kartën e identitetit dhe ai tha se nuk e ka sepse nuk i ka mbushur 18 vjeç. Dua mbrojtje nga SHÇBA, nga Avokati i Popullit, nga Shoqatat e të Drejtave të Fëmijëve. Është e pavërtetë që djali im të ketë dalë jashtë orarit të caktuar për Covid-19. Unë do kërkoj të drejtën e djalit tim deri në fund. Tani ndihet më mire?, nënvizoi Çobo./ CNA.al





Lajmet e fundit nga