E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

Video-Masakra në zonat turistike në Shqipëri vazhdon

28 Maj 2020, 09:34, Denoncim CNA

CNA.al ditë pas dite ka raportuar problematika të ndryshme që fillojnë në Gjirin e Lalzit, shkojnë në Durrës, në Lezhë , në Vlorë por edhe në perlën e jugut të Shqipërisë, në rivierën e saj.

Një rast është denoncuar së fundmi, kur një kompani private me mjetet e saj po punonte në plazhin e Drimadhes. Dje, në redaksinë e CNA.al kanë ardhur foto dhe video të cilat tregojnë se si një tjetër subjekt privat në krah të asaj që pak ditë më parë u denoncua vazhdon të kryejë punime dhe gërmime në plazhin e ?Drymades inn?.

Dje kemi bërë denoncimin e parë, ku eksavatori punonte në bregdetin e Drimadhës pa u shqetësuar në mes të ditës. Ndonëse nuk lejohet të bëhen ndërhyrje në bregun e plazhit, eskavatori vijonte punën pa ndëprerje.

Ndërsa sot kanë ardhur sërish pamjet e dyta. Banorët e zonës thanë për CNA.al se firma që po kryen këto punime është firma ?Gjikuria?. Kjo e fundit mesa duket nuk pyet as për shtet, as për ministri, as për gjoba as për polici, vazhdon të punojë 24 orë.
Ndërkohë që firma tjetër pak ditë më parë u gjobit 20 milionë lekë ndërsa ?Gjikurian? nuk e tregon dhe nuk e flet askush.

Më poshtë po sjellim videot të cilat janë të ditës së sotme, pra videot e dyta të filmuara sot në mëngjes që tregojnë masakrën që po vazhdon në bregdetin e Drimadhes dhe mënyrën sesi selektohen subjektet për të kryer punimet apo gërmimet në plazh.
Njëri dënohet dhe tjetri vazhon punën i qetë .

Ndërkohë, pak ditë më parë CNA.al ka sjellë edhe rastin e ndërtimit pa leje të biznesmenit Julian Morina. Disa vite më parë ai ka ndërtuar kompleksin ?Morina Palace?, ndërkohë që në të njëjtin territor ka nisur edhe ndërtimin e kompleksit të viletave ?Drymades Dream?, së bashku me dy vëllezër indianë, të cilët ishin në kërkim, pasi akuzoheshin në vendin e tyre për mashtrim./CNA.al

Foto-video/ Tjetër masakër në bregun e Drimadhës

Biznesmeni Lul Morina, ndërtim pa leje në Dhërmi/ Shteti mbyll sytë para ?bosit?