web counter
LEXO PA REKLAMA!

SHKARKO APP

App Store
Google Play

Rritja e rasteve me COVID/ Tomini: Situatë e parashikuar nga rihapja

26 Maj 2020, 12:17, Lifestyle CNA

Shefja e Survejancës dhe Shërbimit të Inteligjencës Epidemike në ISHP, Eugena Tomini, thotë rritja e rasteve me COVID është një gjë e parashikuar për shkak të rihapjes graduale të masave që po bëhet.

“Një situatë e parashikuar për shkak të tolerimit të masave dhe personave asimptomatikë. Një luhatje ditore nga dita në ditë. Në Tiranë ka pasur një transmetim komunitar, jo vetëm për vatrën e call center, por edhe të tjera, që nuk dihet të kenë historik me rastet e konfirmuara, prandaj ka një transmetim komunitar. ISHP duke ndjekur zbatimin e protokollit nga këto subjekte, call center, apo fasoneri. Sa i përket vatrave, kemi të tjera në qarqe, po bëhet një punë intensive. Në Tiranë për shkak të dendësisë së popullsisë dhe daljeve, duhet të respektohen masat e distancimit fizik” tha ajo për Report Tv.

E pyetur se si e vlerëson hapjen graduale që po bëhet në prag edhe të 1 qershorit ku do të çelen kopshtet dhe çerdhet, Tomini u shpreh se “Çdo element kërkon një vlerësim më të madh që të gjitha strukturat të jenë në alert. Do të ketë peshë niveli në vlerësimin kufitar, mjekët e familjet. Strukturat janë gati kundrejt këtij hapi të lehtësimit të masave”./CNA.al





Lajmet e fundit nga