web counter
LEXO PA REKLAMA!

SHKARKO APP

Kompania amerikane nis testimin e vaksinës kundër COVID-19 te njerëzit/ Në korrik priten rezultatet paraprake

26 Maj 2020, 06:46, Lifestyle CNA

Kompania amerikane e bioteknologjisë, Novavax, ka filluar testimin te njerëzit, të vaksinës kundër koronavirusit dhe pretendon se në korrik pret rezultatet paraprake mbi efektivitetin dhe sigurinë e saj.

Novavax tha se faza e parë e testimit klinik ka nisur në 130 pjesëmarrës të shëndetshëm, të moshës 18 deri në 59 vjeç, në Australi.

Faza e dytë pritet të zhvillohet në disa vende, përfshirë Shtetet e Bashkuara, dhe të vlerësojë imunitetin, sigurinë dhe reagimim e sëmunjdes që e shkakton koronavirusi, COVID-19, në një gamë më të gjerë të moshave.

Dhjetëra vaksina tashmë janë në fazat e hershme të testimit, sidomos në SHBA, Evropë dhe Kinë.

Është ende e paqartë nëse ndonjëra prej tyre do të funksionojë kundër koronavirusit, i cili ka infektuar rreth 5.5 milionë njerëz në gjithë botën dhe ka vrarë mbi 346,000.

Secila vaksinë përdor teknologji të ndryshme për të nxitur një përgjigje imune.

Eksperimenti i Novavax-it përdor atë që quhet teknologji nanopartikulesh rikombinuese./ Fortune.com-CNA.al





Lajmet e fundit nga