E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

Qendra Kombëtare për Fëmijët e Humbur i kërkon llogari policisë/ “Pse nuk vendos Sinjalin Amber”

25 Maj 2020, 15:34, Sociale CNA

Në Ditën Ndërkombëtare të Fëmijëve të Humbur, Qendra Kombëtare për Fëmijët e Humbur, një shërbim i përbashkët i CRCA/ECPAT Shqipëri dhe ALO 116-000, ka bërë një thirrje publike.

Qendra i përmend Policisë së Shtetit, Ministrisë së Brendshme dhe të Qeverisë Shqiptare, detyrimin dhe përgjegjësinë e tyre për të mbrojtur fëmijët në Shqipëri, sidomos ata që janë më të rrezikuarit për t?u bërë viktima të dhunës dhe shfrytëzimit seksual apo ekonomik.

Qendra Kombëtare për Fëmijët e Humbur deklaron se është seriozisht e shqetësuar për mungesën e veprimeve dhe protokolleve të punës për të marrë në mbrojtje fëmijët e humbur dhe kërkon të dijë se përse policia nuk vendos Sinjalin Amber për gjetjen e tyre

Gjithashtu ky institucion ka përgatitur edhe një video që jep informacion sensibilizues mbi mënyrat që duhet të shmangen nga fëmijët për të mos rënë pre e grabitqarëve seksualë.

?Sipas të dhënave të vetë Policisë së Shtetit, çdo tre ditë në Shqipëri humbet një fëmijë ose përafërsisht rreth 120 fëmijë në vit! Pikërisht sot, në ditën kur e gjithë bota sjell në vëmendje të gjitha përpjekjet që çdo shtet realizon për fëmijët e humbur, një vajzë 12 vjeçare rezulton e humbur që dje dhe nuk dihet asgjë për fatin e saj, si dhe të paktën 14 fëmijëve të tjerë të humbur në vitet e shkuara. Disa prej këtyre fëmijëve rezultojnë të rrëmbyer nga familjarët e tyre, të tjerë largohen nga familja për shkak të dhunës dhe abuzimit, ku rreziku kryesor është që ata të bëhen pre e grupeve kriminale apo grabitqarëve seksualë.

Shqipëria vijon të renditet ndër vendet më problematike në Europë në lidhje me mungesën e masave për mbrojtjen e fëmijëve të humbur, të shfrytëzuar dhe të trafikuar për qëllime seksuale. Ndërkohë që pjesa më e madhe e vendeve Europiane kanë vite tashmë që zbatojnë Sinjalin Amber, sa herë që një fëmijë humbet dhe dyshohet se është në rrezik për jetën. Ndërkohë që Policia e Shtetit, ndonëse i është ofruar falas ky shërbim prej tashmë dy vjetësh nga Qendra Kombëtare për Fëmijët e Humbur në Shqipëri, vazhdon ende të mos kthejë përgjigje zyrtare për zbatimin ose jo të saj. Pyetja që me të drejtë mund të bëhet është: Kujt i intereson që të mos ketë sinjal Amber dhe që fëmijët e humbur të mos gjenden në Shqipëri?

Sot në Ditën Ndërkombëtare të Fëmijëve të Humbur, ne i drejtojmë edhe një herë këtë thirrje publike Policisë së Shtetit: Zbatoni sinjalin Amber, mbroni fëmijët e humbur në Shqipëri! Humbja e fëmijëve nuk është vetëm një çështje komplekse por dhe një problem ndaj të cilit asnjë shtet nuk gëzon imunitet! Përgjatë viteve 2016-2019 sipas të dhënave të Policisë së Shtetit 365 fëmijë kanë humbur, prej të cilëve 258 vajza dhe 107 djem. Ndërsa 353 fëmijë janë rikthyer pranë familjes, pjesa tjetër vijojnë të konsiderohen të humbur. Çdo vit, më tepër se 850.000 fëmijë në botë raportohen të humbur?, thuhet në deklaratë./ CNA.al