web counter
LEXO PA REKLAMA!

SHKARKO APP

App Store
Google Play

E fundit!

x

“Vjeshtë” në maj/ Kjo javë sjell “surpriza”, priten reshje dhe ulje e temperaturave  

25 Maj 2020, 06:00, Sociale CNA

Pak ditë na ndajnë nga muaji i Qershorit, por gjatë kësaj javë na pret një mot vjeshte.

Sipas SHMU, pritet një mot i paqëndrueshëm me vranësira dhe reshje shiu, por gjithashtu edhe temperatura të freksëta në orët e mëngjesit si dhe jo shumë të larta në ato të mesditës.

Dita e sotme do të ketë mot kryesisht me diell dhe nuk do të mungojnë alternimet e vranësirave, të cilat do të shoqërohen me reshje shiu të dobta dhe lokale. Por, përgjatë relieveve malore dhe ato kodrinore pranë tyre në kohë afatshkurtër do të jenë në formën e shtrëngatave dhe stuhive shoqëruar.

Dita e Martë nis me mot me diell por duke nisur nga orët e mesditës shtim vranësirash mesatare deri të dendura. Në momentin e shtimit të vranësirave reshje shiu të herëpashershme e lokalisht të vazhdueshme me intensitet të ulët deri mesatar në të gjithë territorin. Reshjet në formën e shtrëngatave dhe stuhive shoqëruar me shkarkesa elektrike si dhe breshër lokal.

Ashtu si dita e Martë vijon edhe ajo e Mërkurë por me reshjet të cilat tashmë janë të përqëndruara në relievet malore në lindje të territorit si dhe komplet zonën e jugut.

Sa i përket ditës së Enjte moti do të jetë kryesisht i kthjellët si dhe vranësira nga orët e mesditës deri ato të pasdites shoqëruar me reshje shiu në formë shtrëngatash dhe stuhi në relievet malore.

Java mbyllet me ditën e Premte dhe mot të vranët në të gjithë territorin. Reshje shiu të herëpashershme dhe lokalisht të vazhdueshme me intensitet të ulët dhe mesatar në formën e shtrëngatave dhe stuhive shoqëruar me shkarkesa elektrike dhe breshër./ CNA.al





Lajmet e fundit nga