web counter
LEXO PA REKLAMA!

SHKARKO APP

App Store
Google Play

“Opozita e ka një kryetar”/ Shehi kritika të forta Metës

25 Maj 2020, 20:04, Politikë CNA

Kreu i LZHK-së, Dashamir Shehi i ftuar në “5 pyetje nga Babaramo”, ka komentuar rolin e presidentit Ilir Meta në aksionin e opozitës.

Ai tha se mjafton që ai të qëndrojë si president, pasi opozita e ka një kryetar, ndërsa shtoi se s’është çështja e  presidenti të ndryshojë Kodin penal në kohë pandemie.

“Të ndjekim Metën nuk është e shëndetshme për opozitën shqiptare. Ai është president dhe duhet të rri president, duhet të jetë ekuidistancë nga ne dhe Rama. Ai duhet të jetë president.

Meta nuk përmbush kushtet për të qenë në krye të opozitës shqiptare, opozita e ka një kryetar. Ne kryetarin e kemi të mjaftueshëm dhe nuk kemi nevojë për të tjerë në këtë mes, kemi nevojë për presidenti Meta, garant i kushtetutës jo Ilir Meta si kryetar i LSI.

Nëse ne ngatërrohemi me këto gjyle nëpër këmbë, ngadalësohet ritmi i opozitës. E çmojmë shumë Metën, i kemi dalë për zot disa herë, se mendojmë që mbron Kushtetutën.

Ditën që s’na ka pëlqyer e kemi kritikuar, Ndërhyrjen në Kodin Penal e quajmë të gabuar, s’është çështja e  presidenti të ndryshojë Kodin penal në kohë pandemie”, tha Shehi./CNA.al





Lajmet e fundit nga