web counter
LEXO PA REKLAMA!

SHKARKO APP

App Store
Google Play

"Gjenim ushqim mes kufomash, udhëtuam 1500 kilometra në këmbë", nëna e yllit të Bajernit bën rrëfimin dramatik

24 Maj 2020, 09:40, Sport CNA

Alfonso Dejvis është një nga futbollistët më të mirë të këtij sezoni te Bajerni. Liberiani me pasaportë kanadeze ishte ndër lojtarët e parë, për të cilin Bajerni shpenzoi një shifër relativisht të lartë për një 18-vjeçar (9 milionë euro). Çdo para e shpenzuar për të riun ja ka vlejtur, me trajnerin Flik, që e ka pozicionuar në krahët e mbrojtjes dhe Dejvis ka arritur ta mbulojë shumë mirë.

Tani është në majë, por Dejvis ka vuajtur shumë. Peripecitë e tij dhe familjes vendos t?i tregojë mamaja e 19-vjeçarit. Ajo rrëfen se talenti ka lindur gjatë kohës së Luftës Civile në Liberi dhe mbijetesa ka qenë shumë e vështirë. Jeta nuk ishte e sigurt dhe ushqimi gjendej mes kufomave.

?Nëse kthej kokën prapa dhe kujtoj nga kemi ardhur, nga një kamp refugjatësh pa ushqim, pa rroba, dhe tani jemi këtu. Jam krenare për djalin tim. Sot jemi në Kanada dhe kemi gjithçka na nevojitet, por kur ishim në Liberi, për të gjetur diçka për të ngrënë duhet të kërkonim në mesin e kufomave. Vendi ishte në luftë civile dhe kishim frikë mos vdisnim. Ishte e rrezikshme, e tmerrshme dhe nuk kishim alternativë tjetër, përveç arratisjes.

Kemi udhëtuar 1500 km plot 42 mijë njerëz dhe u vendosëm në Ganë, aty ku lindi Alfonso. Më pas kërkuam azil në Kanada dhe në vitin 2006 u larguam përfundimisht nga Afrika. Sot ndihem krenare për djalin tim. Në kampin e refugjatëve nuk kishim as ushqim as veshje. Tashmë jetojmë në Kanada, aty ku shpresonim të shpëtonim dhe me ndihmën e shtetit kanadez ia kemi dalë. Alfonsos i kam thënë që mund të largohet për të vazhduar karrierën e tij sportive dhe ai më ka thënë që nuk do të ndryshojë kurrë?, tregoi ajo. /vipsport.al/





Lajmet e fundit nga