web counter
LEXO PA REKLAMA!

SHKARKO APP

App Store
Google Play

Britania bën një tjetër hap/ Boris Johnson jep datën kur rihapen shkollat

24 Maj 2020, 18:01, Kosova & Bota CNA

Britania duket se është e gatshme për të hapur dyert për nxënësit. Shkollat do të rifillojnë hapjen graduale duke filluar nga 1 qershori.

Ka qenë vetë kryeministri Boris Johnson që ka njoftuar gjatë një deklarate për shtyp këtë të dielë.

?Në të njëjtën linjë me shtetet e tjera evropiane, edhe ne duam që fëmijët të rikthehen në klasat e tyre. Kjo duhet bërë në një mënyrë sa më të sigurt për studentët ku do të aplikohen masa të rrepta sanitare?,  deklaroi ai.

Prej 1 qershorit do të hapen shkollat për ciklin e ulët nga klasa e parë deri në klasën e gjashtë.Ndërsa pjesa tjetër sëbashku me gjimnazet do të rifillojnë pas datës 15 qershor.
Rifillimi i procesit mësimor do të bëhet nën disa rregulla të forta të vendosura nga qeveria.

Johnson kërkon reduktimin e numrit të nxënësve për klasat e vogla.Do të shtohen oraret e pushimit si dhe do tu sigurohet transporti për në shkollë.
Johnson deklaron se do të shtohen më shumë edhe pastrimet dhe dezinfektimet e klasave./CNA.al





Lajmet e fundit nga