web counter
LEXO PA REKLAMA!

SHKARKO APP

App Store
Google Play

E fundit!

x

Partnerja e futbollistit të Arsenalit në hall të madh, kapet me armë në aeroport nga policia

23 Maj 2020, 09:14, Sport CNA

Senad Kolasinac dhe Mesut Ozil ishin pre e një sulmi grabitësish para disa kohësh, por ia hodhën paq, madje mbrojtësi boshnjak edhe u përball me njërin prej personave që tentuan t?i merrnin me forcën orën e shtrenjtë turko-gjermanit të Arsenal.

Që pas asaj ngjarjeje, vetë lojtarët dhe familjarët e tyre janë munduar të jenë të kujdesshëm. Bella Kolasinac, partnerja e Senad, direkt bleu një armë për vetëmbrojtje. Bëhet fjalë për një elektroshok, për të cilin kishte marrë edhe një leje të posaçme në Gjermani.

Problemi është se një pajisje e tillë është e paligjshme në Britaninë e Madhe dhe Bella e kishte marrë me vete, gjatë fluturimit nga Gjermania. ?The Sun? raporton se bukuroshja është ndalur në aeroportin ?Biggin Hill?, në Londër.

Asaj ju gjet elektroshoku në bagazhet e saj, ndërkohë që Bella u sqaroi autoriteteve se e kishte blerë pajisjen për vetëmbrojtje dhe kishte kërkuar leje për ta marrë me vete atë. Gjatë kohës së fluturimit i kishte ardhur edhe përgjigja me email, ndërkohë që i sqarohej se ishte e paligjshme.

Autoritet i panë vetë emailet e shkëmbyera, ndërkohë që Bella u favorizua edhe nga fakti që elektroshoku ishte akoma në kutinë e vet dhe nuk kishte as bateri. Partnerja e Kolasinac nuk e kishte menduar se në Angli ishte e paligjshme dhe nuk kishte njoftuar se e kishte armën me vete.

Bella, me shkeljen e bërë rrezikonte gjashtë muaj burg. Gjithsesi ajo u lirua më pas dhe tashmë duhet të mendojë për ndonjë zgjidhje tjetër që të vetëmbrohet në Britaninë e Madhe.





Lajmet e fundit nga