E fundit!

17:57 Politikë

Takimi me banorët e Zvërnecit/ Rama: Çështjen e pronave e vendos vetëm gjykata

Kryeministri Edi Rama po zhvillon sot një takim me banorët...

Propozimi për Reformën Zgjedhore/ Ish-ministri jep alarmin, pesë pyetje për ambasadën e SHBA

21 Maj 2020, 07:13, Politikë CNA

Ish-ministri i Drejtësisë në qeverinë ?Rama 1?, Ylli Manjani ka reaguar në lidhje me propozimin e ambasadës së SHBA, për një sistem zgjedhor në Shqipëri, sipas modelit Danez.

Në një postim në rrjetet sociale, Manjani shkruan se ky është një propozim i çuditshëm dhe se modeli danez është shumë i komplikuar.

Sipas Manjanit, ky model është fiks me të njëjtët elementë që neve këtu na kanë ardhur në majë të hundës, sepse sakatojnë zgjedhjet që në tavolinë.

Gjithashtu ai paralajmëron se ky model do të sillte katastrofë në Shqipëri.

?Pas dajkut, tani edhe zgjedhjet Daneze..

Ka plasur një dashni e madhe për Danimarkën këto kohë.

Pas ligjit Danez, që bëri Presidenti, për dajakun në quarantinë, tani na sugjerohet ligji i zgjedhjeve të Danimarkës. Këtë të fundit e propozon befas me email zonja Yuri Kim.

Shumë e çuditshme!

Ligji Danez i zgjedhjeve, meqë ra fjala, është ndër më të komplikuarit në Europë. Është një thelb një proporcional rajonal i korrektuar në shkallë vendi, me votë të transferueshme preferenciale dhe me zona zgjedhore komplekse. Formula e llogaritjes së mandateve është D’Hond.

Fiks me të njëjtët elementë që neve këtu na kanë ardhur në majë të hundës, sepse sakatojnë zgjedhjet që në tavolinë.

I komplikuar sa më ska.

E imagjinoj katastrofën që do sillte ky komplikim, në kushtet e hajnisë dhe terrorit elektoral që krijohet në Shqipëri.?-shkruan Manjani.

Më tej, ai i drejton edhe disa pyetje ambasadës së SHBA, ndërsa thekson ?Nejse, pavarësisht diskutimit për sistemin, pyetet që ngrihen janë:

Si ka mundësi që Ambasada Amerikane nuk promovon sistemin e vet zgjedhor por të Danimarkës?! As Ambasada e Danimarkës nuk do ta merrte përsiper këtë mision…

Përse Ambasada Amerikane nuk promovon, fjala vjen ligjin që Presidenti(në rastin tonëKryeministri) nuk mund të rrijë në detyrë më shumë se 2 mandate?!

Kjo do ishte shumë më e dobishme për të shkulur monizmin në këtë vend sesa të propozohet vendimamrrje për një sistem demokracie nga vetë sistemi monist në fuqi.

Nuk i vret sytë monizni i instaluar në vend, Ambasadës së vendit ku komunizni ndalohet me ligj?!

A ka kund ndonjë propozim për rivendosjen e pluralizmit politik, ndarjen e pushteteve, tranzicionin e pushtetit, ruajten e votës, dënimim e hajdutëve të zgjedhjeve, lejimin e njerëzve të zgjedhin lirisht, apo snuk?!?.

Po ashtu Manjani shkruan se asnjë ambasadë nuk ka detyrë të na përcaktojë sistemin politik, por nëse duan të ndihmojnë thotë se duhet ta bëjnë tamam.

?Mbase vërtetë na ndihmon Ambasada e Danimarkës me këto gjëra…

Të kuptohemi, asnjë ambasadë nuk ka detyrë të na përcaktojë sistemin politik, por nëse duan të na ndihmojnë, u lutemi ta bëjnë tamam.

Ose të paktën të mos na ngatërrojnë më shumë se ç’jemi ngatërruar vetë.?-përfundon postimin e tij Ylli Manjani./ CNA.al