web counter
LEXO PA REKLAMA!

SHKARKO APP

App Store
Google Play

E fundit!

x

“Jam për listat e hapura”/ Duma: Opozita do rikthehet në tryezën e Zgjedhores vetëm me kushte të forta

20 Maj 2020, 19:40, Politikë CNA

Ish-deputetja e PD-së, Grida Duma ka folur mbrëmjen e sotme për Reformën Zgjedhore dhe për sugjerimin e Ambasadës së SHBA për të implementuar sistemin danez.

Duma tha se nëse një propozim i tillë ekziston, duhet parë me kujdes, ndërsa theksoi se ajo personalist kërkon listat e hapura.

?Nuk kemi një variant konkret për tu shfletuar. Nëse është një propozim amerikan, unë them se duhet parë me kujdes. Unë kam qenë për listat e hapura. Është thënë që nuk është lexuar konkretisht varianti. Duhet të theksojmë që përveç faktit të sistemit, duhet theksuar garancia e plotë e votës së lirë. Unë kuptoj se kush është pozicioni i PD dhe fakti se kali ynë i betejës është garantimi i votës së lirë. Jeta politike nuk është jeta ligjore e një vendi?, u shpreh ajo.

Për rikthimin e opozitës në tryezën e Zgjedhores, demokratja tregoi se do të ndodhë vetëm me kushtëzime të forta politike.

?Që të ulemi në tryezën e nënshkrimit të elementeve ligjorë unë besoj se vullneti politik duhet të jetë mes palësh i respektuar. Ne duhet ta çojmë këtë situatë në kushtëzime të forta politike. Që Reforma Zgjedhore të ndodhë me garantimin e plotë të partnerit ndërkombëtar, ShBA dhe BE. PD është partia që do të mbajë misionin e përcaktimit të disa rregullave dhe të garantimit të votës. Në Reformën Zgjedhore duhet marrë pjesë me kushtëzime të qarta nga të cilat nuk duhet hequr dorë.

Patjetër Reforma Zgjedhore duhet të ndodhë. Ne kemi të gjitha mundësitë që me ndërkombëtarët të bëjmë një reformë të saktë. Në çdo moment që ne i afrohemi zgjedhjeve të parakohshme duhet të sigurojmë votën. Drejt Reformës Zgjedhore misioni ynë është që ajo të ndërtohet me të gjitha forcat e veta. Logjika e hapjes së sistemit do të vijë në tryezën e PD më konkretisht?, nënvizoi Duma./ CNA.al





Lajmet e fundit nga